مەسسەندجەرلەر مەن ەلەۋمەتتٸك جەلٸلەر ارقىلى قازاقستاندىقتار اراسىندا كوروناۆيرۋسقا قارسى ۆاكتسينالار پاركينسون, التسگەيمەر جەنە لۋ گەريگ اۋرۋىن دامىتۋى مٷمكٸن دەگەن حابارلاما تاراپ جاتىر. مۇنداي سالداردى ۆاكتسينا قۇرامىنداعى اليۋمينيي تۋدىرۋى مٷمكٸن ەكەنٸ ايتىلعان, - دەپ حابارلايدى Stop Fake.
پورتال مەلٸمەتٸ بويىنشا, اليۋمينيي اديۋۆانتى كەيبٸر ۆاكتسينالاردا قولدانىلادى. بٸراق ۆاكتسينا قۇرامىنداعى اليۋمينيي مٶلشەرٸ رۇقسات ەتٸلگەن نورمالاردان اسپايدى جەنە ادام دەنساۋلىعىنا ەسەر ەتپەيدٸ.
مەلٸمەت بويىنشا, بۇل پرەپارات قۇرامىنداعى ەلسٸرەگەن پاتوگەننٸڭ از مٶلشەرٸنە كٷشتٸ يممۋندىق رەاكتسييا تۋدىرۋ ٷشٸن قاجەت. مۇنداي اديۋۆانتتار 1930 جىلدارى قولدانىلا باستاعان. سول كەزدەن بەرٸ پاركينسون, التسگەيمەر جەنە لۋ گەريگ اۋرۋلارى تٷرٸندەگٸ جاناما ەسەرلەر تٸركەلمەگەن.
پورتال مەلٸمەتٸنە سٷيەنسەك, اقش-تىڭ تاماق ٶنٸمدەرٸ جەنە دەرٸ-دەرمەك ساپاسىن سانيتارييالىق قاداعالاۋ باسقارماسىنىڭ قاۋلىسىنا سەيكەس, اليۋمينييدٸڭ تەۋلٸكتٸك نورماسى 25 ميكروگراممنان اسپاۋى تيٸس. الايدا بۇل نورما تەك پارەنتەرالدى تاماقتانۋ جٷيەسٸنە (قورەكتٸك زاتتاردى تٸكەلەي قانعا ەنگٸزۋ) جەنە سەبيلەرگە بەرٸلەتٸن جاساندى سٷت ۇنتاعىنا قاتىستى ايتىلعان. ۆاكتسينامەن اليۋمينييدٸڭ مۇنداي دوزاسىن الۋ جەنە ونى تەرٸ استىنا ەنگٸزۋ مٷمكٸن ەمەس.
كٷندەلٸكتٸ ٶمٸردە ادامدار 25 ميكروگراممنان ارتىق اليۋمينيي تۇتىنادى. بۇل مەتالل قارا بيداي مەن بيداي ۇنى, كارتوپ, قىرىققابات, بايالدى, قىزىلشا, بۇرشاق, كٷرٸش, كيۆي جەنە ت.ب. كەڭٸنەن قولدانىلاتىن ٶنٸمدەردە كەزدەسەدٸ.
ايتا كەتەيٸك, پاركينسون, التسگەيمەر جەنە لۋ گەرينگ اۋرۋلارى ەگدە جاستاعى ادامدار اراسىندا ٶتە جيٸ كەزدەسەدٸ. ونىڭ ٷستٸنە, پاركينسون مەن التسگەيمەر اۋرۋلارى اليۋمينيي قوسىلعان ۆاكتسينالار مەن اديۋۆانتتار ويلاپ تابىلعانعا دەيٸن انىقتالعان جەنە تولىق سيپاتتالعان.
لۋ گەريگ اۋرۋىنا قاتىستى ناقتى سەبەپتەرٸ ەلٸ بەلگٸسٸز. كەيبٸر جاعدايلاردا ول تۇقىم قۋالايتىن گەندٸك مۋتاتسييا نەتيجەسٸندە تۋىندايدى, بۇل ونىڭ ۆاكتسينا الۋ سالدارىنان بولۋى مٷمكٸن ەمەستٸگٸن كٶرسەتەدٸ.
