ماڭعىستاۋدا ٷيلەنۋ تويىن ٶتكٸزگەن شەنەۋنٸككە ايىپپۇل سالىندى. بۇل جولى تابيعي مونوپولييالاردى رەتتەۋ كوميتەتٸنٸڭ ماڭعىستاۋ وبلىسى بويىنشا دەپارتامەنت باسشىسى جاندوس سەلٸموۆ كارانتين تەرتٸبٸن بۇزعان. دٷبٸرلٸ تويدىڭ ۆيدەوسى ميحايل كوزاچكوۆتىڭ Telegram كانالىنداعى پاراقشادا جارييالاندى.
اۆتور «ماڭعىستاۋلىق تۇرعىندى قالاي ەسەرلٸ ەتٸپ ٷيٸنەن ۇزاتىپ جاتقانىن قاراڭىزدارشى. كارانتين ۋاقىتىندا كٶپشٸلٸكتٸ جيناپ, توي ٶتكٸزگەن تابيعي مونوپولييالاردى رەتتەۋ كوميتەتٸنٸڭ ماڭعىستاۋ وبلىسى بويىنشا دەپارتامەنت باسشىسى جاندوس سەلٸموۆ», - دەپ كٶرسەتكەن.
ال, تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸنٸڭ رەسمي ٶكٸلٸ ەرجان بايتاناەۆتىڭ حابارلاۋىنشا, ۆەدومستۆو قىزمەتكەرلەرٸ مەن پوليتسەيلەر تەرتٸپكە باعىنباعانداردى انىقتاعان.
«تويدى ۇيىمداستارۋشىلار مەن مەيرامحانا يەسٸ انىقتالدى. كٶپشٸلٸك جينالعان شارانى ٶتكٸزۋ فاكتٸسٸ بويىنشا مەملەەتتٸك قىزمەتشٸگە ەكٸمشٸلٸك قۇقىقبۇزۋشىلىق كودەكسٸنٸڭ 425 بابىنىڭ 1 بٶلٸگٸمەن 30 اەك (83 مىڭ تەڭگە) ايىپپۇل سالىندى. وسى جاعداي بويىنشا مەملەكەتتٸك قىزمەت ٸستەرٸ جٶنٸندەگٸ اگەنتتٸك دەپارتامەنتٸنە جەنە قر ەكونوميكا مينيسترلٸگٸنٸڭ تابيعي مونوپولييالاردى رەتتەۋ كوميتەتٸنە تەرتٸپتٸك شارا قولدانۋ جٶنٸندە رەسمي حات جولداندى», - دەدٸ ە.بايتاناەۆ.
ال, توي ٶتكٸزگەن مەيرامحانا يەسٸنە قاتىستى دا حاتتاما تولتىرىلىپ, 230 اەك مٶلشەرٸندە ايىپپۇل سالىندى.
