Mańǵystaýda úilený toiyn ótkizgen sheneýnikke aiyppul salyndy. Bul joly Tabiǵi monopoliialardy retteý komitetiniń Mańǵystaý oblysy boiynsha departament basshysy Jandos Sálimov karantin tártibin buzǵan. Dúbirli toidyń videosy Mihail Kozachkovtyń Telegram kanalyndaǵy paraqshada jariialandy.
Avtor «Mańǵystaýlyq turǵyndy qalai áserli etip úiinen uzatyp jatqanyn qarańyzdarshy. Karantin ýaqytynda kópshilikti jinap, toi ótkizgen Tabiǵi monopoliialardy retteý komitetiniń Mańǵystaý oblysy boiynsha departament basshysy Jandos Sálimov», - dep kórsetken.
Al, Taýarlar men kórsetiletin qyzmetterdiń sapasy men qaýipsizdigin baqylaý komitetiniń resmi ókili Erjan Baitanaevtyń habarlaýynsha, vedomstvo qyzmetkerleri men politseiler tártipke baǵynbaǵandardy anyqtaǵan.
«Toidy uiymdastarýshylar men meiramhana iesi anyqtaldy. Kópshilik jinalǵan sharany ótkizý faktisi boiynsha memleettik qyzmetshige Ákimshilik quqyqbuzýshylyq Kodeksiniń 425 babynyń 1 bóligimen 30 AEK (83 myń teńge) aiyppul salyndy. Osy jaǵdai boiynsha memlekettik qyzmet isteri jónindegi agenttik Departamentine jáne QR Ekonomika ministrliginiń Tabiǵi monopoliialardy retteý komitetine tártiptik shara qoldaný jóninde resmi hat joldandy», - dedi E.Baitanaev.
Al, toi ótkizgen meiramhana iesine qatysty da hattama toltyrylyp, 230 AEK mólsherinde aiyppul salyndy.
