فوتو:تجم
اۋىل شارۋاشىلىعى مينيسترٸ ايداربەك ساپاروۆ سۋ تاسقىنىنان قىرىلعان مال ٷشٸن ٶتەماقى بەرۋ تەرتٸبٸ قانداي بولاتىنىن ايتىپ بەردٸ, دەپ حابارلايدى Ulysmedia.kz.
الگوريتم بار
– تيٸستٸ شتاب قۇرىلعان. ول جاقتا تيٸستٸ جۇمىستار جٷرگٸزٸلٸپ جاتىر. ەر ٶڭٸردە شتابتا ۆەتەرينارلار بار. سۋ تاسقىنىنان 138 800 باس مالدى امان الىپ قالدىق. بۇل ٶتە ٷلكەن جۇمىس. حالىق ۆەتەرينارلارمەن, تٶتەنشە جاعداي مينيسترلٸگٸمەن كٷش بٸرٸكتٸرٸپ, سونشا مالدى امان الىپ قالدى. ٶلگەن مالدىڭ سانى 9761 باس. ٶلگەن مالدىڭ 98 پايىزىنا ۋتيليزاتسييا جاسادىق, – دەيدٸ ساپاروۆ ٷكٸمەتتەگٸ بريفينگ بارىسىندا.
ٶتەۋ جاعىن ايتقان مينيستر تيٸستٸ الگوريتم قۇرىلعانىن اتاپ ٶتەدٸ.
– ەرەجەگە دە كٸرگٸزٸپ جاتىرمىز. مالىنىڭ بارى تۋرالى قاعاز-قۇجاتتارى بارلارعا شىعىن بيۋدجەتتەن تٶلەنەدٸ. ال قاعاز-قۇجاتى جوق, تٸركەۋدە بولماعان مال ٷشٸن قاراجات قور, دەمەۋشٸلەر ارقىلى بەرٸلەدٸ. 4801 باس ٷشٸن تٶلەنٸپ بولدى. 1,19 مدرد تەڭگە تٶلەندٸ, – دەيدٸ ساپاروۆ.
الگوريتمگە سەيكەس, يەسٸنٸڭ راسىندا دا مالى بولعانىن ٷش كۋەگەر راستاۋى كەرەك. ياعني, كٶرشٸسٸ, ۋچاسكەلٸك پوليتسەي راستاۋى تيٸس.
قازاقستانداعى سۋ تاسقىنى
ەسكە سالا كەتەيٸك, بيىل بٸرنەشە ٶڭٸردٸ سۋ تاسىپ, ونداعان اۋداندا تٶتەنشە جاعداي جارييالاندى. سۋ تاسقىنى ەڭ ٷلكەن قاۋٸپ تۋعىزىپ وتىرعان ٶڭٸرلەر قاتارىندا اتىراۋ, باتىس قازاقستان, سولتٷستٸك قازاقستان, قوستاناي وبلىستارى بار. رەسەيدٸڭ ور قالاسىندا دامبىنىڭ جارىلۋى قوسىمشا قيىندىق تۋعىزعان. قۇلسارى قالاسىندا ەڭ كٷردەلٸ جاعداي تٸركەلٸپ, ادام شىعىنى تٸركەلدٸ.
پرەمەر-مينيستر, شتاب جەتەكشٸسٸ وسى رەتتە ولجاس بەكتەنوۆ جاۋاپتىلارعا بٸرقاتار تاپسىرما بەرگەن.
