رۋح جوقشىلارى مەن ۇلتتىق بولمىستى ٸزدەگەن سەرٸلەر بٷگٸن تەكتٸلەردٸڭ مەكەنٸ – جاياۋ مۇسا اۋىلىنا – جاڭاتٸلەك اۋىلىنا كەلٸپ تٷستٸ. ولاردى جاڭاتٸلەك اۋىلدىق وكرۋگٸنٸڭ ەكٸمٸ جاباي مۇساباەۆ پەن اۋىل اقساقالدارى الدان شىعىپ كٷتٸپ الدى.
«اق سيسا» پوەماسىندا عالىم جايلىباي:
...كٶكٸرەگٸ جىر-كٶرٸك,
قۇشاق جايعان باۋىر كٶپ.
جاياۋ مۇسا جىر بولىپ,
جاياۋ مۇسا اۋىل بوپ...
... ٶتەر-ٶتپەس بەكەر كٷن,
جاپىراعىمدى جايام دا.
مەن كەلەرمٸن, كەتەرمٸن –
بايان ٸزدەپ بايانعا» - دەپ جىرلاعانداي, بابالار دەستٷرٸن دەرٸپتەپ, بايانسىز تٸرشٸلٸكتەگٸ باۋىرلاستىقتى باقىت دەپ بٸلەتٸن بٷگٸنگٸنٸڭ سەرٸلەرٸن اقىن اۋىلى اقىننىڭ ٶزٸندەي بولىپ, سٶزٸندەي بولىپ قارسى الدى.
مەيماندار الدىندا سٶز العان جاباي جانەبٸلۇلى: «جاڭاتٸلەك اۋىلىنىڭ اۋماعىندا ەيگٸلٸ ەنشٸ, كومپوزيتور, اقىن جاباي توعاندىقوۆ پەن جاياۋ مۇسا بايجانۇلى, قۇسبەگٸ, اڭشىلار شولاق ومارۇلى, ىسقاق ٷپەنۇلى, ۇلى وتان سوعىسىنىڭ باتىرى باقىت حايداروۆ, جازۋشى زەيتٸن اقىشەۆ سىندى قازاقتىڭ مارقاسقالارى دٷنيەگە كەلگەن. سول بابالارىمىزدىڭ اتىنا كٸر كەلتٸرمەۋگە تىرىسىپ, كەيٸنگٸ ۇرپاق ٶسٸپ-جەتٸلٸپ كەلەدٸ» - دەپ جاڭاتٸلەك اۋىلىنان شىققان تانىمال تۇلعالارمەن تانىستىرىپ ٶتتٸ. اۋىل كٶركەمٶنەرپازدارى ۇيىمداستىرعان كەشتٸڭ مەرتەبەلٸ مەيماندارى بولعان اتتى ساپار مٷشەلەرٸ دە ٶز ٶنەرلەرٸن كٶرسەتتٸ.
قوناقتار قۇرمەتٸنە قيسساشى, 80 جاسقا تاياعان اۋىل اقساقالى يماش قوجامبەردين «ەڭلٸك – كەبەك» جىرىن جاتقا ايتتى.
مەرەكەلٸك ەن-جىر كەشٸنەن كەيٸن, ات سپورتىنا دەگەن الابٶتەن ىقىلاستارىن تانىتقان اۋىل ازاماتتارى اراسىندا اۋدارىسپاق تۋرنيرٸ ٶتتٸ. ات ٷستٸندەگٸ بەلدەسۋدە قارسىلاس شىداتپاعان ەكسپەديتسييا مٷشەسٸ وبلىسقا تانىمال اتبەگٸ, پالۋان باقىتجان جٷنٸسوۆ بٸرٸنشٸ ورىندى جەڭٸپ الدى.
تاريحي تۇلعالارعا تاعزىم ەتكەن توپ ەرتەڭ اتتىدان جاياۋ جٷرٸپ كەك العان اقىننىڭ بەيٸتٸنە جول تارتپاق.
ارنايى ۇلت پورتالى ٷشٸن جاڭاتٸلەك اۋىلىنان ەلامان قابدٸلەشٸم
