جاڭاتٸلەك اۋىلىنان اتتانعان اتتى ساپار ساياحاتشىلارى قاراعاندى وبلىسى, بۇقار جىراۋ اۋدانىندا ورنالاسقان بۇقار بابا بەيٸتٸنە بەت الدى.
ۇلىلارعا تاعزىم ەتۋشٸلەر ولجاباي باتىر, ەۋليە مەشھٷر جٷسٸپ دٷنيەگە كەلگەن دالبا تاۋىنىڭ ەتەگٸنەن تەبٸرەنٸسپەن ٶتتٸ. جەرگٸلٸكتٸ حالىق بۇل تاۋدى توتييا تاۋى دەپ اتايدى. ەكسپەديتسييا مٷشەسٸ, جاڭاتٸلەك اۋىلىنىڭ تۇرعىنى الدامجار التىنبەك اعامىزدىڭ ايتۋىنشا, تاۋدىڭ بۇلاي اتالۋ سەبەبٸ, قاراكەسەك رۋىنىڭ توتييا ەسٸمدٸ قىزى بۇل ەلگە كەلٸن بولىپ تٷسكەن ەكەن. اقىل-پاراساتىمەن ەلدٸڭ اناسىنا اينالعان اقىلمان ەيەل دٷنيەدەن ٶتەر شاعىندا ۇرپاقتارىنا: «مەنٸ مىنا تاۋدىڭ باسىنا جەرلەڭدەر, تٶركٸنٸمە قاراپ جاتايىن», - دەپ ٶسيەت ەتكەن ەكەن. سودان بەرٸ ۇرپاقتارى تاۋدى ۇلى انالارىنىڭ ەسٸمٸمەن اتاپ كەتكەن ەكەن.
اتتى ساياحاتشىلار مۇسانىڭ شوقىسىندا بولىپ «كٶلٸندە جاسىبايدىڭ سايران سالىپ, بايان ەنٸن اقبەتتەن اسقاقتاتقان» - جاياۋ مۇسانىڭ زيراتىنا زييارات ەتتٸ.
بۇدان ەرٸ سالت اتتىلار «قازىبەك بي سٶرەسٸ» اتالىپ كەتكەن جەرگە ات باسىن بۇردى. بۇل جەردە 1764 جىلى قازاق حاندىعىنىڭ اسا ٸرٸ مەملەكەت قايراتكەرٸ قاز داۋىستى قازىبەك بي قايتىس بولعان. مٷردەسٸ قوجا احمەت ياساۋي كەسەنەسٸنە اپارىپ جەرلەنگەنشە, كٶكتەم شىعىپ جەر اياعى كەڭەيگەن ۋاقىتقا دەيٸن ەل-جۇرت بيدٸڭ دەنەسٸن وسى جەردە ساقتاعان ەكەن.
سٶرەدەن سەل قاشىقتا ەدٸگە بي داۋ-جانجالدا بيلٸك ايتقان, تٶرەلٸك ەتكەن, جورىق الدىندا جاۋىنگەرلەرگە باتا بەرگەن تۇعىر-تاس تۇر. ەل اعاسى جاباي مۇساباەۆ سول تاسقا شىعىپ ساپارشىلارعا اق باتاسىن بەردٸ.
ەسٸمٸ ەل جادىندا ساقتالعان بابالارىن ۇلىقتاپ جٷرگەن ۇرپاقتارى, ەل اراسىندا اسقان كٶرەگەندٸگٸمەن تانىلعان, قارا سۋدى تەرٸس اعىزاتىن قاسيەتكە يە تىلسىم كٷش يەسٸ بولعان ايدابولدان شىققان اسىل ەۋليە قارامان ابىزدىڭ عۇمىر كەشكەن مەكەنٸندە بولىپ, دۇعا باعىشتادى.
سونداي قاسيەت بويىنا دارىعان دارحان دالانىڭ تاعى بٸر پەرزەنتٸ قۇدايبەرگەن بوتانۇلىنىڭ بەيٸتٸنە «ەۋمين!» - دەپ بەت سيپادى. تٷيەنٸ شٶكتٸرمەي-اق بٸر اتتاپ مٸنەتٸن الىپ دەنەلٸ قۇدايبەرگەندٸ ەل اراسىندا مەستەك ابىز دەپ اتاپ كەتكەن ەكەن.
ساپاردىڭ بۇل كٷنٸ بۇقار جىراۋدىڭ كەسەنەسٸنە تەۋ ەتۋمەن اياقتالدى. ساياحاتشىلار جىراۋ اتىنداعى مۇراجايمەن تانىستى. بۇقار جىراۋدىڭ ۇرپاقتارى اس بەرٸپ, قۇران باعىشتادى.
ساياحاتشىلاردىڭ كەلەسٸ باعىتى قانىش يمانتايۇلى سەتباەۆ اۋىلى بولماق.
ارنايى ۇلت پورتالى ٷشٸن بۇقار جىراۋ اۋدانىنان ەلامان قابدٸلەشٸم
