پارلامەنت سەناتىنىڭ جالپى وتىرىسىندا «تەحنيكالىق رەتتەۋ تۋرالى» زاڭى قابىلداندى, دەپ حابارلايدى "ۇلت اقپارات".
«بيىلعى 24 قاڭتاردا ٶتكەن ٷكٸمەتتٸڭ كەڭەيتٸلگەن وتىرىسىندا جەنە 1 قىركٷيەكتەگٸ قازاقستان حالقىنا ارنالعان جولداۋىندا مەملەكەت باسشىسى ون جىلدان استام ۋاقىت بۇرىن قابىلدانعان تەحنيكالىق رەتتەۋ تۋرالى زاڭناما قازٸرگٸ ۋاقىتتىڭ تالاپتارىنا ساي كەلمەيتٸنٸن اتاپ ٶتٸپ, ٶنٸمنٸڭ قاۋٸپسٸزدٸگٸ مەن ساپاسىن ارتتىرۋ جٶنٸندە ناقتى تاپسىرمالار بەردٸ.
ساۋدا جەنە ينتەگراتسييا مينيسترٸ باقىت سۇلتانوۆتىڭ ايتۋىنشا, ٶز نارىعىمىزدى قورعاۋ ٷشٸن ٸرٸ ەلەمدٸك ەكونوميكانىڭ ساۋدا تەكەتٸرەسٸ جاعدايىندا ەكونوميكانى «ٸلگەرٸلەتەتٸن» جٷيەلٸ فاكتورلار بار, ولارعا دا دەن قويۋ قاجەت.
ولاردىڭ ٸشٸندە:
1) ٸشكٸ جەنە سىرتقى نارىقتارداعى تۇتىنۋشىلاردىڭ تاراپىنان وتاندىق تاۋارلاردىڭ ساپاسى مەن قاۋٸپسٸزدٸگٸنە تالاپتاردىڭ كٷشەيۋٸ;
2) يمپورتتىق تاۋارلار تاراپىنان «قىسىم» جەنە ەكسپورتتىڭ جاڭا نارىقتارىنا شىعۋ;
3) ينتەگراتسييالىق پروتسەستەردٸ تەرەڭدەتۋ.
«وسىعان بايلانىستى جەنە اتالعان كەمشٸلٸكتەردٸ جٷيەلٸ تٷردە شەشۋ ٷشٸن ٷكٸمەت تەحنيكالىق رەتتەۋ تۋرالى زاڭنىڭ جاڭا رەداكتسيياسىنداعى جوباسىن ەزٸرلەپ, پارلامەنتتٸڭ قابىلداۋىنا ۇسىندى. زاڭ جوباسىن ەزٸرلەۋ كەزٸندە بٸزدٸڭ نەگٸزگٸ مٸندەتٸمٸز تۇتىنۋشىلاردى قاۋٸپتٸ ٶنٸمنەن قورعاپ قانا قويماي, باقىلاۋ ٸس-شارالارىن جٷزەگە اسىرۋ كەزٸندە ولارعا ارتىق جٷكتەمە كٶرسەتپەي, وتاندىق تاۋار ٶندٸرۋشٸلەردٸ قولداۋ تەتٸكتەرٸن ەنگٸزە الاتىن جاڭا نورماتيۆتٸك بازاسىن قۇرۋ بولدى», - دەدٸ مينيستر.
وسى ورايدا ب. سۇلتانوۆ زاڭ جوباسىنىڭ نەگٸزگٸ ەرەجەلەرٸنە توقتالدى.
بٸرٸنشٸ – مەملەكەتتٸك باقىلاۋ كەزٸندە جەدەل دەن قويۋ تەتٸگٸن ەنگٸزۋ. بۇل مەسەلەدەگٸ زاڭنامالىق جاڭالىق – سۋبەكتٸلەردٸڭ باقىلاۋىنان وبەكتٸلەردٸڭ باقىلاۋىنا كٶشۋ. ياعني ٶندٸرۋشٸ نەمەسە ساتۋشى ەمەس, ٶنٸمنٸڭ ٶزٸ تەكسەرٸلەتٸن بولادى. ول ٷشٸن زەرتحانالاردا سىناق جٷرگٸزۋ ٷشٸن ادام ٶمٸرٸنە قاۋٸپتٸ ٶنٸم ٷلگٸلەرٸن ساتىپ الۋ رەسٸمدەرٸ ەنگٸزٸلەدٸ.
قاۋٸپتٸ ٶنٸمنٸڭ وتاندىق نارىقتاعى اينالىمىنىڭ شۇعىل جولىن كەسۋ ماقساتىندا زاڭ جوباسىندا كەسٸپكەرلٸك كودەكسكە سەيكەس جەدەل دەن قويۋدىڭ ەكٸ شاراسى كٶزدەلەدٸ.
«بۇل راستالعان سىناقتاردىڭ نەتيجەلەرٸ بويىنشا قاۋٸپتٸ ٶنٸمدٸ الىپ قويۋ جەنە سەرتيفيكاتتاۋدان ٶتپەگەن نەمەسە سەرتيفيكاتى جوق ٶنٸمدٸ اينالىمعا شىعارۋعا تىيىم سالۋ. بۇل رەتتە زاڭ جوباسى جاپپاي باقىلاۋدى كٶزدەمەيدٸ. وبەكتٸلەر اقپاراتتىق بازادا «ونلاين» رەجيمدە قاداعالاناتىن بولادى. جەدەل دەن قويۋ شارالارى بۇلتارتپايتىن دەلەلدەر بولعان كەزدە عانا قولدانىلاتىن بولادى, ال ٶنٸمدٸ اينالىمعا شىعارۋعا تىيىم سالۋ انىقتالعان زاڭ بۇزۋشىلىقتار جويىلعانعا دەيٸن قولدانىلادى», - دەدٸ ۆەدومستۆو باسشىسى.
ەكٸنشٸدەن, سەيكەستٸكتٸ باعالاۋ رەسٸمدەرٸن جەتٸلدٸرۋ, سەرتيفيكاتتاۋ پروتسەستەرٸن تسيفرلاندىرۋ ەسكەرٸلگەن.
ٷشٸنشٸدەن, سالالارداعى تەحنيكالىق رەتتەۋدٸ كٷشەيتۋ قاراستىرىلعان.
ەۋرازييالىق ەكونوميكالىق وداق اياسىندا كەلٸسسٶزدەر پوزيتسيياسىن ساپالى قالىپتاستىرۋ ماقساتىندا سالالىق مەملەكەتتٸك ورگاندار جانىندا ساراپتامالىق كەڭەستەر قىزمەتٸن قايتا قۇرۋ كٶزدەلۋدە.
ۇلتتىق تەحنيكالىق رەگلامەنتتەردٸ ەزٸرلەۋدٸڭ تەرتٸبٸ قايتا قارالادى.
بيزنەس ٷشٸن ەرٸكتٸ سەرتيفيكاتتاۋ جٷيەسٸن قۇرۋدىڭ قۇقىقتىق تەتٸگٸ بەلگٸلەنەدٸ.
«قازاقستاندا تيٸستٸ زەرتحانالىق پراكتيكانى دامىتۋ مەسەلەسٸنە اسا كٶڭٸل بٶلٸنەدٸ. بۇل ەكونوميقالىق ىنتىماستىق جەنە دامۋ ۇيىمى (ەىدۇ) ەلدەرٸندە قازاقستاندىق سىناق حاتتامالارىن تانۋعا سەرپٸن بەرەدٸ.
اتالعان نورمالار قازاقستاندىق تاۋارلاردى سىرتقى نارىققا شىعارۋعا, وتاندىق ٶندٸرۋشٸلەردٸڭ بەسەكەلەستٸك ارتىقشىلىعىن جەنە قازاقستانعا تيٸمدٸ پوزيتسييالاردى كەسٸبي تٷردە قورعاۋعا باعىتتالعان», - دەدٸ باقىت سۇلتانوۆ.
سونىمەن قاتار, سەناتتىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە تەحنيكالىق رەتتەۋ, كەسٸپكەرلٸك, مەملەكەتتٸك باسقارۋ جٷيەسٸن جەتٸلدٸرۋ جەنە تٶلەمدەر مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭى ەكٸ وقىلىمدا قارالىپ, قابىلداندى.
