قازاقستان رەسپۋبليكاسىنىڭ جاپپاي كٶكپار فەدەراتسيياسى رەسمي تٷردە اككرەديتاتسييا الىپ, جەكە ۇيىم رەتٸندە تٸركەلدٸ, دەپ حابارلايدى "ۇلت اقپارات".
جاپپاي كٶكپار حالىققا ورتاق, اتادان بالاعا ميراس بولىپ كەلە جاتقان قۇندى مۇرا. كٶكپار كٷش پەن جٸگەردٸڭ, پالۋان مەن تۇلپاردىڭ ەتەنە بٸتٸسٸپ, اساۋ مٸنەزدٸ تٸزگٸندەيتٸن الاڭ. كٶكپار جاھاندانۋ دەۋٸرٸندە ٶز ٶمٸرشەڭدٸگٸن تانىتىپ, ۇلتتىق برەندكە اينالىپ وتىر.
قازاقستان رەسپۋبليكاسى ۇلتتىق سپورت قاۋىمداستىعىنىڭ ۆيتسە-پرەزيدەنتٸ باقىتجان تۇرلىبەكوۆ قۇتتىقتاۋ سٶزٸندە وسىناۋ يگٸ ٸستٸڭ بارشا جانكٷيەرلەرٸن قۇتتىقتاپ, بۇل باستامادا تابىسقا جەتەتٸنٸنە سەنٸم بٸلدٸردٸ.
"بٷگٸنگٸ قادام كٶكپارعا جاڭا لەپ بەرەرٸ سٶزسٸز. ودان ۇلتتىق سپورت ۇتپاسا, ۇتىلمايدى. ەندٸ كٶكپار رەسپۋبليكا بويىنشا جاڭا قارقىنمەن جٷيەلٸ تٷردە داميتىن بولادى", - دەپ اتاپ ٶتتٸ ب.تۇرلىبەكوۆ ٶز قۇتتىقتاۋ سٶزٸندە.
