Qazaqstan Respýblikasynyń Jappai kókpar federatsiiasy resmi túrde akkreditatsiia alyp, jeke uiym retinde tirkeldi, dep habarlaidy "Ult aqparat".
Jappai kókpar halyqqa ortaq, atadan balaǵa miras bolyp kele jatqan qundy mura. Kókpar kúsh pen jigerdiń, palýan men tulpardyń etene bitisip, asaý minezdi tizgindeitin alań. Kókpar jahandaný dáýirinde óz ómirsheńdigin tanytyp, ulttyq brendke ainalyp otyr.
Qazaqstan Respýblikasy Ulttyq sport qaýymdastyǵynyń vitse-prezidenti Baqytjan Turlybekov quttyqtaý sózinde osynaý igi istiń barsha jankúierlerin quttyqtap, bul bastamada tabysqa jetetinine senim bildirdi.
"Búgingi qadam kókparǵa jańa lep bereri sózsiz. Odan ulttyq sport utpasa, utylmaidy. Endi kókpar respýblika boiynsha jańa qarqynmen júieli túrde damityn bolady", - dep atap ótti B.Turlybekov óz quttyqtaý sózinde.
