قر ۇلتتىق وليمپيادالىق كوميتەتٸنٸڭ باس حاتشىسى دانييار ابۋلگازيننٸڭ ٷستٸمٸزدەگٸ جىلدىڭ 28 اقپانىنداعى بۇيىرعىمەن نۇرلان نٶگەربەك ۇلتتىق وليمپيادالىق كوميتەتتٸڭ باس ديرەكتورى بولىپ تاعايىندالدى. بۇل تۋرالى كوميتەت سايتى حابارلادى.
بۇعان دەيٸن ول وسى ۇيىمنىڭ قارجىلىق قامتاماسىز ەتۋ دەپارتامەنتٸنٸڭ ديرەكتورى بولعان. سونىمەن قاتار, 2015 جىلدىڭ قىركٷيەك-جەلتوقسان ايلارىندا قر ۇوك اپپارات جەتەكشٸسٸ, اتقارۋشى ديرەكتورى قىزمەتتەرٸن اتقارعان بولاتىن.
ايتا كەتەيٸك, قر ۇوك باس ديرەكتورى بولعان سەرٸك قاسقاباسوۆ قىزمەتٸنەن ٶز ەركٸمەن كەتتٸ. قر ۇوك باس حاتشىسى دانييار ابۋلگازين سەرٸك قاسقاباسوۆقا ۇوك قايتا قۇرۋ كەزٸندەگٸ اتقارعان جۇمىسى ٷشٸن العىسىن بٸلدٸرٸپ, ەلٸمٸزدٸڭ وليمپيادالىق قوزعالىسىنا قوسقان ٷلەسٸن اتاپ ٶتتٸ.
«سەرٸك سەيٸتۇلى قر ۇلتتىق وليمپيادالىق كوميتەتٸندەگٸ بارلىق تىڭ ٶزگەرٸستەر مەن جاڭا باستامالاردى جٷزەگە اسىرۋ جولىندا ماڭىزدى مٸندەت اتقارعان بولاتىن. بٸز ول كٸسٸنٸڭ جاساعان جۇمىسىنا زور العىسىمىزدى بٸلدٸرە كەلە, الداعى قىزمەتٸنە سەتتٸلٸك تٸلەيمٸز», دەدٸ قر ۇوك باس حاتشىسى.
