QR Ulttyq Olimpiadalyq komitetiniń bas hatshysy Daniiar Abýlgazinniń ústimizdegi jyldyń 28 aqpanyndaǵy buiyrǵymen Nurlan Nógerbek Ulttyq Olimpiadalyq komitettiń bas direktory bolyp taǵaiyndaldy. Bul týraly komitet saity habarlady.
Buǵan deiin ol osy uiymnyń qarjylyq qamtamasyz etý departamentiniń direktory bolǵan. Sonymen qatar, 2015 jyldyń qyrkúiek-jeltoqsan ailarynda QR UOK apparat jetekshisi, atqarýshy direktory qyzmetterin atqarǵan bolatyn.
Aita keteiik, QR UOK bas direktory bolǵan Serik Qasqabasov qyzmetinen óz erkimen ketti. QR UOK bas hatshysy Daniiar Abýlgazin Serik Qasqabasovqa UOK qaita qurý kezindegi atqarǵan jumysy úshin alǵysyn bildirip, elimizdiń olimpiadalyq qozǵalysyna qosqan úlesin atap ótti.
«Serik Seiituly QR Ulttyq Olimpiadalyq komitetindegi barlyq tyń ózgerister men jańa bastamalardy júzege asyrý jolynda mańyzdy mindet atqarǵan bolatyn. Biz ol kisiniń jasaǵan jumysyna zor alǵysymyzdy bildire kele, aldaǵy qyzmetine sáttilik tileimiz», dedi QR UOK bas hatshysy.
