پرەزيدەنتتٸڭ تاپسىرماسىمەن مەملەكەتتٸك ۋنيۆەرسيتەتتەر كوممەرتسييالىق ەمەس اكتسيونەرلٸك قوعامدار فورماسىنا اۋىسقانىمەن, جەكەشەلەندٸرٸلمەيدٸ جەنە مەملەكەت مەنشٸگٸندە قالادى. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ Facebook-تەگٸ پاراقشاسىندا جازدى, دەپ حابارلايدى "ۇلت اقپارات".
«ۇلتتىق قوعامدىق سەنٸم كەڭەسٸ وتىرىسىندا مەملەكەت باسشىسى ۇلتتىق جەنە مەملەكەتتٸك جوعارى وقۋ ورىندارىن تەك مەملەكەت مەنشٸگٸندە قالدىرۋ تۋرالى تاپسىرما بەردٸ.
قازٸرگٸ ۋاقىتتا مەملەكەتتٸك جوعارى وقۋ ورىندارى كوممەرتسييالىق ەمەس اكتسيونەرلٸك قوعامعا اينالدى. قۇرىلىمنىڭ ٶزگەرۋٸنەن كەيٸن ەل ٸشٸندە سول ۋنيۆەرسيتەتتەردٸڭ جەكەمەنشٸككە ساتىلۋى مٷمكٸن دەگەن كٷدٸك پايدا بولدى.
پرەزيدەنت مەملەكەتتٸك جوعارى وقۋ ورىندارىنىڭ ساتىلمايتىنى تۋرالى ناقتى ايتتى. بۇل – ٶتە ماڭىزدى.
سەبەبٸ سول جوو-لاردا ەلٸمٸزدەگٸ ستۋدەنتتەردٸڭ 40% وقيدى جەنە 35 مىڭنان استام وقىتۋشى مەن قىزمەتكەر جۇمىس ٸستەيدٸ.
ولاردىڭ باسىم بٶلٸگٸ XX عاسىردىڭ 30-40 جىلدارى قۇرىلدى جەنە تاريحي تۇرعىدان دا ەلٸمٸزدٸڭ باستى سالالىق جوعارى وقۋ ورىندارى بولىپ تابىلادى», - دەدٸ مينيستر.
ا.ايماعامبەتوۆ اتاپ ٶتكەندەي, ەل-فارابي اتىنداعى قازۇۋ, Satbayev University (ق. سəتباەۆ اتىنداعى قازۇتزۋ) جەنە اباي اتىنداعى قازۇپۋ سيياقتى جوعارى وقۋ ورىندارى ەلٸمٸزدە بٸلٸم بەرۋ جٷيەسٸ, عىلىمي جەنە يننوۆاتسييالىق ەلەۋەتٸ جاعىنان الدىڭعى قاتاردا.
«سونىمەن بٸرگە مەملەكەت جوعارى بٸلٸم سالاسىنداعى جەكە سەكتورعا دا ايتارلىقتاي قولداۋ كٶرسەتٸپ كەلەدٸ. سەبەبٸ قازٸرگٸ ۋاقىتتا جوعارى وقۋ ورىندارىنىڭ 50% جەكەمەنشٸك بولىپ تابىلادى.
راسىندا مەملەكەتتٸك جوو-نى جەكەشەلەندٸرۋ وتاندىق بٸلٸم بەرۋ جٷيەسٸنٸڭ, عىلىمي-زەرتتەۋ جەنە يننوۆاتسييالىق قىزمەتٸنٸڭ تۇتاستىعىنا ورنى تولماس زييان كەلتٸرٸپ, ۋنيۆەرسيتەتتەردٸڭ مٷلٸكتٸك كەشەنٸنٸڭ بۇزىلۋىنا دا سەبەپ بولۋى مٷمكٸن.
وسىلايشا, پرەزيدەنتتٸڭ تاپسىرماسى بويىنشا مەملەكەتتٸك ۋنيۆەرسيتەتتەر كوممەرتسييالىق ەمەس اكتسيونەرلٸك قوعامدار فورماسىنا اۋىسقانىمەن, جەكەشەلەندٸرٸلمەيدٸ جەنە مەملەكەت مەنشٸگٸندە قالادى.
بۇل رەتتە, ولار اكادەمييالىق تۇرعىدا ەلدەقايدا ەركٸن جەنە قوعام الدىندا ەسەپ بەرٸپ, بارىنشا اشىق جۇمىس ٸستەي الادى», - دەپ تٷيٸندەدٸ بٸلٸم مينيسترٸ.
ەسكە سالايىق, بٷگٸن ۇلتتىق قوعامدىق سەنٸم كەڭەسٸنٸڭ 4-وتىرىسىندا مەملەكەت باسشىسى قاسىم-جومارت توقاەۆ ەلٸمٸزدە مەملەكەتتٸك جەنە ۇلتتىق جوعارى وقۋ ورىندارى ساتىلمايتىنىن اتاپ ٶتتٸ.
«مەنٸڭ تاپسىرماما سەيكەس, جوعارى وقۋ ورىندارىنىڭ قۇرىلىمىن ٶزگەرتۋ جۇمىستارى جٷرگٸزٸلۋدە. كٶپتەگەن جوعارى وقۋ ورنى كوممەرتسييالىق ەمەس اكتسيونەرلٸك قوعامعا اينالدى. بۇل ەل ٸشٸندە ەرتٷرلٸ ەڭگٸمە تۋعىزۋدا. سونداي-اق بٸرٸ مەملەكەتتٸك جوعارى وقۋ ورىندارى كەيٸننەن جەكەمەنشٸككە ساتىلۋى مٷمكٸن دەگەن دە كٷدٸك بار. وسىعان وراي مەملەكەتتٸك جەنە ۇلتتىق جوعارى وقۋ ورىندارى ساتىلمايتىنى جٶنٸندە مەلٸمدەيمٸن», - دەدٸ پرەزيدەنت.
