اپتا باسىندا بٸر دوللارعا شاققانداعى باعام 427,98 تەڭگە بولسا, بٷگٸن ۇلتتىق ۆاليۋتا قىركٷيەك ايىنان بەرٸ العاش رەت 423 دەڭگەيٸنە جەتتٸ. ۇلتتىق بانكتٸڭ مونەتارلىق وپەراتسييالار دەپارتامەنتٸنٸڭ ديرەكتورى نۇرجان تۇرسىنحانوۆ ۆاليۋتا نارىعىنداعى احۋالعا تٷسٸنٸك بەردٸ, دەپ حابارلايدى "ۇلت اقپارات".
«25 قاراشادا دوللار تەڭگەگە قاتىستى بيرجادا ورتا ەسەپپەن 422,90 دەڭگەيٸندە ساۋدالانىپ جاتىر. اپتانىڭ باسىنان بەرٸ ۇلتتىق ۆاليۋتانىڭ باعامى 5 تەڭگەدەن استامعا نەمەسە 1,2% نىعايدى. تەڭگەنٸڭ وڭ سەرپٸنٸ قولايلى سىرتقى كونيۋنكتۋرا, سونداي-اق ەكسپورتتاۋشىلاردىڭ سالىق تٶلەمدەرٸن جاساۋ ٷشٸن شەتەل ۆاليۋتاسىن ساتۋى اياسىندا قالىپتاسۋدا.
اپتانىڭ باسىنان باستاپ سىرتقى جاعدايلار جاھاندىق تەۋەكەل-سەنتيمەنتٸنٸڭ جاقسارۋىمەن سيپاتتالادى. ينۆەستورلار كوروناۆيرۋسقا قارسى ەزٸرلەنٸپ جاتقان ۆاكتسينالاردىڭ تيٸمدٸلٸگٸ تۋرالى حابارلامالاردى وڭ باعالاۋدا. بۇل, ەكونوميكالىق بەلسەندٸلٸكتٸڭ تەز قالىپقا كەلۋ ىقتيمالدىعىن ارتتىرادى. ونىمەن قوسا, دونالد ترامپ ەكٸمشٸلٸگٸنەن سايلانعان پرەزيدەنت دجو بايدەنگە بيلٸكتٸ فورمالدى بەرۋ پروتسەسٸنٸڭ باستالۋى دا تەۋەكەل دەرەجەسٸن ۇستاپ تۇر. سونىمەن بٸرگە نارىقتار فرج-نٸڭ بۇرىنعى باسشىسى د.يەللەندٸ اقش قارجى مينيسترٸ لاۋازىمىنا تاعايىنداۋ پەرسپەكتيۆالارىنا وڭ ىقپال ەتۋدە, بۇل قارجىلىق ىنتالاندىرۋعا بايلانىستى بولىپ وتىر», - دەدٸ ۇلتتىق بانك ٶكٸلٸ.
ونىڭ ايتۋىنشا, جەدەل ۆاكتسيناتسييا جەنە وتىنعا دەگەن سۇرانىستىڭ جەدەل قالپىنا كەلۋٸ – مۇناي باعاسىنىڭ ٶسۋٸنە ىقپال ەتۋدە.
«Brent ەتالوندىق سۇرىپتى مۇنايدىڭ ەلەمدٸك باعاسى بٸرنەشە كٷن قاتارىنان ٶسٸپ كەلەدٸ جەنە ازييا نارىقتارىنداعى بٷگٸنگٸ ساۋدا-ساتتىق بارىسىندا ناۋرىزدىڭ باسىنان باستاپ العاش رەت بٸر باررەل ٷشٸن 48 دوللار بەلگٸسٸنەن استى. وسىعان وراي, نورۆەگييا كرونى مەن كانادا دوللارى سيياقتى شيكٸزات ەلدەرٸنٸڭ ۆاليۋتالارى اپتانىڭ باسىنان باستاپ 1,3% جەنە تيٸسٸنشە 0,6% نىعايدى.
EIA ەنەرگەتيكالىق اگەنتتٸگٸنٸڭ مەلٸمەتتەرٸ بويىنشا, جۋىق ارادا سۇرانىسقا قايتا يە بولا باستايتىنى الدىن الا بولجانعانىنا قاراماستان, اقش-تاعى مۇناي قورى ارتىپ كەلەدٸ. مەسەلەن, وسى ايدىڭ باسىنان 13 قاراشاعا دەيٸن اقش-تا شيكٸ مۇناي قورى باررەلٸنە 484,4 ملن-نان 489,5 ملن-عا دەيٸن ٶستٸ.
سىرتقى پوزيتيۆتٸڭ ەسەرٸنەن بٶلەك, وسى اپتا – سالىق اپتاسى بوپ قالادى, بۇنىڭ ٶزٸ نارىقتا ۆاليۋتانىڭ ۇسىنىسىن ەدەۋٸر كٷشەيتە تٷستٸ. مىسالى, دٷيسەنبٸ, 23 قاراشا كٷنٸ بيرجاداعى ساۋدا كٶلەمٸ 170 ملن دوللارعا جەتتٸ. بۇل – وسى قاراشادا بيرجادا تٸركەلگەن كٷندٸزگٸ ورتا كٶلەمنەن 1,5 ەسە كٶپ دەگەندٸ كٶرسەتەدٸ», - دەدٸ ن.تۇرسىنحانوۆ.
ونىڭ سٶزٸنشە, دامۋشى ەلدەردەگٸ ۆاليۋتالار سىرتقى نارىقتاعى جاعدايلارعا, مەيٸلٸنشە, جاقسى ەسەر ەتٸپ وتىر.
«اپتا باسىندا وڭتٷستٸك افريكالىق راند 1,3% بەكٸسە, رەسەي رۋبلٸ 1%, مەكسيكا پەسوسى 0,3% نىعايا تٷستٸ. بۇل جەردە رۋبلدٸڭ ٶزٸ ەكسپورتەرلەردٸڭ تاراپىنان تٷسكەن سالىق ەسەبٸنەن نىعايىپ وتىر. ال, تەڭگە سىرتقى جەنە ٸشكٸ فاكتورلاردىڭ جايلىلىعىنان, ودان قالدى, تەۋەكەل-سەنتيمەنت پەن نارىقتاعى ەنەرگوتاسىمالداۋشىلاردىڭ پوزيتيۆتٸ جاڭالىقتارىنىڭ جەنە جەر قويناۋىن پايدالانۋشىلار تاراپىنان تٷسكەن كٶلەمدٸ سالىقتاردىڭ ارقاسىندا بەكٸپ تۇر. بۇل جەردە مۇناي باعاسىنىڭ كٶتەرٸلۋٸ – ونى تۇتىنۋ دەڭگەيٸن دەر كەزٸندە قالپىنا كەلتٸرۋگە سەبەپشٸ بولىپ جاتاتىنىن ايتا كەتۋ كەرەك. دەگەنمەن اقش-تاعى مۇناي قورىنىڭ ەسەبٸ كٶرسەتٸپ كەلگەندەي, تۇتىنۋ كٶلەمٸ بولجالدى دەڭگەيگە كٶتەرٸلە الماي وتىر. سول سەبەپتٸ, شىنايى تۇتىنىمنىڭ شاماسىنا قاراي كٶمٸرسۋتەك باعاسىنا دا ٶزگەرٸستەر ەنٸپ تۇرۋى مٷمكٸن», - دەپ تٷيٸندەدٸ ۇلتتىق بانكتٸڭ مونەتارلىق وپەراتسييالار دەپارتامەنتٸنٸڭ ديرەكتورى نۇرجان تۇرسىنحانوۆ.
