پرەمەر-مينيستر اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا ۇلتتىق بانك تٶراعاسى ەربولات دوساەۆ بيىل 10 شٸلدەدە ٷكٸمەتتٸڭ كەڭەيتٸلگەن وتىرىسىندا مەملەكەت باسشىسىنىڭ بەرگەن تاپسىرمالارىن ٸسكە اسىرۋ شارالارى تۋرالى باياندادى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
بٸرٸنشٸ – 2020 جىلى ينفلياتسييانى 8-8,5% دەلٸز شەگٸندە ۇستاپ تۇرۋعا باعىتتالعان اقشا-كرەديت ساياساتىن جٷرگٸزۋ.
«ول ٷشٸن ۇلتتىق بانك قولدا بار قۇرالداردى پايدالاناتىن بولادى. سونىمەن قاتار, مەملەكەت باسشىسىنىڭ مونەتارلىق ەمەس ينفلياتسييانى تٶمەندەتۋ تاپسىرماسىن ورىنداۋ ماقساتىندا نارىقتاردى تاۋارلارمەن تولتىرۋ, جەتكٸزۋ تٸزبەگٸن وڭتايلاندىرۋ جەنە الىپساتارلىققا جول بەرمەۋ جولىمەن ٷكٸمەت پەن جەرگٸلٸكتٸ اتقارۋشى ورگاندار تاراپىنان يمپورتقا تەۋەلدٸلٸكتٸ ازايتۋ بويىنشا شارالار قابىلداۋ قاجەت. بۇل اقشا-كرەديت ساياساتىن ٸسكە اسىرۋدىڭ تيٸمدٸلٸگٸن ارتتىرۋعا مٷمكٸندٸك بەرەدٸ», — دەدٸ ە. دوساەۆ.
ەكٸنشٸ – بۇدان بۇرىن قابىلدانعان داعدارىسقا قارسى شارالار مەن جاڭا باستامالاردىڭ نەگٸزٸندە ەكونوميكانى قالپىنا كەلتٸرۋگە قاتىسۋ. ۇلتتىق بانك پەن قارجى نارىعىن رەتتەۋ جەنە دامىتۋ اگەنتتٸگٸ ٷكٸمەتپەن بٸرلەسٸپ اعىمداعى جىلعى شٸلدەنٸڭ سوڭىنا دەيٸن ەلەۋمەتتٸك-ەكونوميكالىق احۋال ناشارلاعان جاعدايعا سالالاردى قولداۋدىڭ قوسىمشا شارالار توپتاماسىن دايىندايدى. مەملەكەت باسشىسىنىڭ داعدارىسقا قارسى باستامالارىنىڭ شەڭبەرٸندە اگەنتتٸك پەن ۇلتتىق بانك پرۋدەنتسييالىق رەتتەۋ شارالارى مەن مەملەكەتتٸك باعدارلامالاردى قارجىلاندىرۋ ارقىلى ەكونوميكانى كرەديتتەۋدٸ ىنتالاندىرۋدى جالعاستىرادى.
ٷشٸنشٸ – ەكونوميكالىق بەلسەندٸلٸكتٸ قولداۋ ٷشٸن قارجى نارىعىن دامىتۋ.
«ينۆەستورلاردى تارتۋ ٷشٸن كٸرٸستٸلٸك قيسىعىن قۇرۋ بويىنشا جۇمىس جالعاسادى. ول ٷشٸن قارجى مينيسترلٸگٸمەن بٸرلەسٸپ 2020 جىلى 1 جىلدان 3 جىلعا دەيٸنگٸ سەكتوردا جەنە 2021-2022 جىلدارى 1 جىلدان 5 جىلعا دەيٸنگٸ سەكتوردا مەملەكەتتٸك باعالى قاعازداردى شىعارۋ قامتاماسىز ەتٸلەتٸن بولادى», — دەدٸ ە. دوساەۆ.
2020 جىلدىڭ سوڭىنا دەيٸن تۇراقتى نەگٸزدە 1 ترلن تەڭگەگە دەيٸنگٸ كٶلەمدە قىسقا مەرزٸمدٸ قاعازداردى شىعارۋمەن مبق-نى شىعارۋ كەستەسٸنە تيٸستٸ ٶزگەرٸستەر ەنگٸزٸلدٸ. بۇل قازاقستاننىڭ مەملەكەتتٸك باعالى قاعازدارىن وبليگاتسييالاردىڭ حالىقارالىق يندەكستەرٸنە ەنگٸزۋ جۇمىسىن جالعاستىرۋعا مٷمكٸندٸك بەرەدٸ.
«قور نارىعىن ەكونوميكاعا ينۆەستيتسييالار تارتۋدىڭ ماڭىزدى كٶزٸ رەتٸندە ودان ەرٸ دامىتۋ ٷشٸن اگەنتتٸك ۇلتتىق بانكپەن جەنە ٷكٸمەتپەن بٸرلەسٸپ, ونىڭ ارتتا قالۋ پروبلەمالارى مەن سەبەپتەرٸنە تالداۋ جٷرگٸزەدٸ, سونىڭ نەگٸزٸندە قور نارىعىن ودان ەرٸ دامىتۋ, ونىڭ ٸشٸندە ونى احقو ەلەۋەتٸ مەن ينفراقۇرىلىمىن پايدالانا وتىرىپ, حالىقارالىق كاپيتال نارىقتارىمەن ىقپالداستىرۋ جٶنٸندە كەشەندٸ ۇسىنىستار دايىندايدى», — دەدٸ ۇلتتىق بانك تٶراعاسى.
تٶرتٸنشٸ – جٷيەلٸك تەۋەكەلدەردٸڭ جينالۋىن بولدىرماۋ ٷشٸن قارجىلىق تۇراقتىلىقتى قامتاماسىز ەتۋ. ەكونوميكالىق اينالىمعا جۇمىس ٸستەمەيتٸن اكتيۆتەردٸ تارتۋ ٷشٸن پروبلەمالىق كرەديتتەر قورىنىڭ مٷلكٸن ساتۋ بويىنشا جۇمىس جٷرگٸزٸلەدٸ, بۇل جۇمىس ٸستەمەيتٸن اكتيۆتەردٸڭ تيٸمدٸ نارىعىن قۇرۋعا مٷمكٸندٸك بەرەدٸ. جٷيەلٸك تەۋەكەلدەردٸ ازايتۋ ماقساتىندا اگەنتتٸك ۇلتتىق بانكپەن بٸرلەسٸپ بانك جٷيەسٸ اكتيۆتەرٸنٸڭ ساپاسىن (AQR) ۇدايى نەگٸزدە باعالاۋ ٷشٸن ۇسىنىستار دايىندايدى.
