فوتو: ۇلتتىق بانكتٸڭ باسپاسٶز قىزمەتٸ
قازاقستان ۇلتتىق بانكٸ حالىقارالىق اۋدارىمدارمەن بايلانىستى الاياقتىق ەرەكەتتەردٸڭ كٶبەيگەنٸن ەسكەرتەدٸ, دەپ حابارلايدى "ۇلت اقپارات".
"جەكە جەنە زاڭدى تۇلعالار ۇلتتىق بانككە شەتەل ۆاليۋتاسىمەن اقشا الۋعا جەردەم كٶرسەتۋدٸ سۇراپ, ٶتٸنٸشپەن جٷگٸنٸپ جاتادى. ەدەتتە, مۇنداي ٶتٸنٸشتەرگە جالعان تٶلەم قۇجاتتارى (سونىڭ ٸشٸندە SWIFT فورماتىندا) جەنە ەسەپتە جوق شوتتار مەن اقشا اۋدارىمدارىن راستايتىن شارتتار قوسا بەرٸلەدٸ.
نازار اۋدارۋدى سۇرايمىز, ۇلتتىق بانك ورتالىق بانكٸ سانالادى جەنە ول قازاقستان رەسپۋبليكاسىنىڭ بانك جٷيەسٸندە جوعارعى (بٸرٸنشٸ) دەڭگەيدٸ بٸلدٸرەدٸ. ۇلتتىق بانك جەكە تۇلعالارعا قىزمەت كٶرسەتپەيدٸ جەنە قر رەزيدەنت, بەيرەزيدەنت تۇرعىندارىنا اقشا اۋدارمايدى.
ۇلتتىق بانك SWIFT ارقىلى كليەنت تٶلەمدەرٸنە قىزمەت كٶرسەتۋ پروتسەسٸنە قاتىسپايدى جەنە SWIFT ارقىلى وپەراتسييا جٷرگٸزۋگە رۇقسات بەرمەيدٸ. ۇلتتىق بانك جەكەلەگەن ۆاليۋتالىق شارتتارعا ۆاليۋتا وپەراتسييالارى بويىنشا دەرەكتەردٸ جيناۋ ماقساتىندا عانا ەسەپتٸك نٶمٸرلەردٸ تٸركەيتٸنٸن حابارلايمىز. بۇل رەسٸم رۇقسات ەتۋ, سانكتسييا سالۋ نەمەسە ماقۇلداۋ قىزمەتٸن اتقارمايدى" - دەلٸنگەن حابارلامادا.
ۇب باسپاسٶز قىزمەتٸنٸڭ مەلٸمەتٸنشە, ۇلتتىق بانك ەسەپتٸك نٶمٸردٸ رەتتەۋشٸ تاراپىنان قانداي دا بٸر مٸندەتتەمەسٸز بەرەدٸ جەنە ونىڭ بولۋى كەلٸسٸم بويىنشا اقشا تٷسكەنٸن نە جٶنەلتٸلگەنٸن بٸلدٸرمەيدٸ. بۇل رەتتە نٶمٸر بەرۋ قازاقستان رەسپۋبليكاسى زاڭناماسىنىڭ تالاپتارىن بۇزعانى ٷشٸن تۇلعالاردى جاۋاپكەرشٸلٸكتەن بوساتپايدى.
