Foto: Ulttyq banktiń baspasóz qyzmeti
Qazaqstan Ulttyq Banki halyqaralyq aýdarymdarmen bailanysty alaiaqtyq áreketterdiń kóbeigenin eskertedi, dep habarlaidy "Ult aqparat".
"Jeke jáne zańdy tulǵalar Ulttyq Bankke shetel valiýtasymen aqsha alýǵa járdem kórsetýdi surap, ótinishpen júginip jatady. Ádette, mundai ótinishterge jalǵan tólem qujattary (sonyń ishinde SWIFT formatynda) jáne esepte joq shottar men aqsha aýdarymdaryn rastaityn sharttar qosa beriledi.
Nazar aýdarýdy suraimyz, Ulttyq Bank ortalyq banki sanalady jáne ol Qazaqstan Respýblikasynyń bank júiesinde joǵarǵy (birinshi) deńgeidi bildiredi. Ulttyq Bank jeke tulǵalarǵa qyzmet kórsetpeidi jáne QR rezident, beirezident turǵyndaryna aqsha aýdarmaidy.
Ulttyq Bank SWIFT arqyly klient tólemderine qyzmet kórsetý protsesine qatyspaidy jáne SWIFT arqyly operatsiia júrgizýge ruqsat bermeidi. Ulttyq Bank jekelegen valiýtalyq sharttarǵa valiýta operatsiialary boiynsha derekterdi jinaý maqsatynda ǵana eseptik nómirlerdi tirkeitinin habarlaimyz. Bul rásim ruqsat etý, sanktsiia salý nemese maquldaý qyzmetin atqarmaidy" - delingen habarlamada.
UB baspasóz qyzmetiniń málimetinshe, Ulttyq Bank eseptik nómirdi retteýshi tarapynan qandai da bir mindettemesiz beredi jáne onyń bolýy kelisim boiynsha aqsha túskenin ne jóneltilgenin bildirmeidi. Bul rette nómir berý Qazaqstan Respýblikasy zańnamasynyń talaptaryn buzǵany úshin tulǵalardy jaýapkershilikten bosatpaidy.
