ۇلتتىق بانك 2006 جىلعى ٷلگٸدەگٸ نومينالى 2000, 5000 جەنە 10000 تەڭگەلٸك بانكنوتتاردى اۋىستىرۋ مەرزٸمٸن 2021 جىلدىڭ 1 اقپانىنا دەيٸن ۇزارتتى, دەپ حابارلايدى "ۇلت اقپارات".
«حالىقتان ٶتٸنٸش تٷسكەن سوڭ, ايىرباستاۋ مەرزٸمٸن ۇزارتۋ تۋرالى شەشٸم قابىلدادىق. كەيبٸر ازاماتتار, ەسٸرەسە, زەينەت جاسىنداعى قارييالار ەرتٷرلٸ سەبەپتەرگە بايلانىستى ەسكٸ بانكنوتتاردى ۋاقىتىندا ايىرباستاپ ٷلگەرمەگەن», – دەيدٸ قولما-قول اقشا اينالىسى دەپارتامەنتٸنٸڭ ديرەكتورى جومارت قاجمۇراتوۆ.
بانكنوتتار جەكە تۇلعالار ٷشٸن تەك ۇلتتىق بانكتٸڭ فيليالدارىندا عانا ايىرباستالادى. ولاردىڭ مەكەنجايى مەن بايلانىس تەلەفونى تۋرالى اقپارات ۇلتتىق بانكتٸڭ سايتىندا ورنالاسقان. 2021 جىلدىڭ 1 اقپانىنان كەيٸن بانكنوتتاردى ايىرباستاۋ توقتاتىلادى.
ەسكە سالا كەتەيٸك, 2006 جىلعى ٷلگٸدەگٸ نومينالدارعا تەن بانكنوتتاردى ايىرباستاۋ كەزەڭٸ 2016 جىلدىڭ قازانىنان 2020 جىلدىڭ 5 قازانىنا دەيٸن – 4 جىل بويى ۇزارتىلىپ كەلدٸ.
قوسىمشا سۇراقتار تۋىنداعان جاعدايدا ۇلتتىق بانكتٸڭ 1477 بايلانىس ورتالىعىنا حابارلاسۋعا بولادى.
