Ulttyq bank 2006 jylǵy úlgidegi nominaly 2000, 5000 jáne 10000 teńgelik banknottardy aýystyrý merzimin 2021 jyldyń 1 aqpanyna deiin uzartty, dep habarlaidy "Ult aqparat".
«Halyqtan ótinish túsken soń, aiyrbastaý merzimin uzartý týraly sheshim qabyldadyq. Keibir azamattar, ásirese, zeinet jasyndaǵy qariialar ártúrli sebepterge bailanysty eski banknottardy ýaqytynda aiyrbastap úlgermegen», – deidi Qolma-qol aqsha ainalysy departamentiniń direktory Jomart Qajmuratov.
Banknottar jeke tulǵalar úshin tek Ulttyq banktiń filialdarynda ǵana aiyrbastalady. Olardyń mekenjaiy men bailanys telefony týraly aqparat Ulttyq banktiń saitynda ornalasqan. 2021 jyldyń 1 aqpanynan keiin banknottardy aiyrbastaý toqtatylady.
Eske sala keteiik, 2006 jylǵy úlgidegi nominaldarǵa tán banknottardy aiyrbastaý kezeńi 2016 jyldyń qazanynan 2020 jyldyń 5 qazanyna deiin – 4 jyl boiy uzartylyp keldi.
Qosymsha suraqtar týyndaǵan jaǵdaida Ulttyq banktiń 1477 bailanys ortalyǵyna habarlasýǵa bolady.
