ۋكراينا ورتالىق سايلاۋ كوميسسيياسى (وسك) پرەزيدەنت سايلاۋىنىڭ ەكٸنشٸ تۋرىندا بەرٸلگەن داۋىستىڭ بەرٸن ساناپ بٸتتٸ. كوميسسييا حابارلاۋىنشا, اكتەر ۆلاديمير زەلەنسكيي بارلىق داۋىستىڭ 73,22 پايىزىن العان. ونى شامامەن 13,5 ميلليون ادام قولداعان, دەپ جازادى ازاتتىق.
ۋكراينانىڭ قازٸرگٸ پرەزيدەنتٸ پەتر پوروشەنكوعا سايلاۋشىلاردىڭ 24,45 پايىزى - شامامەن 4,5 ميلليون ادام داۋىس بەرگەن.
وسك 2,31 پايىز داۋىستى جارامسىز دەپ تاپقان. ەكٸنشٸ تۋرعا داۋىس بەرۋگە ازاماتتاردىڭ 61,37 پايىزى كەلگەن.
ۋكراينادا پرەزيدەنت سايلاۋىنىڭ ەكٸنشٸ كەزەڭٸ 21 سەۋٸردە ٶتتٸ. جاڭا مەملەكەت باسشىسى رەتٸندە اكتەر, شوۋمەن ۆلاديمير زەلەنسكيي سايلانعان. قارسىلاسى پوروشەنكو جەڭٸلگەنٸن مويىنداعانىمەن, كەلەر سايلاۋعا قاتىساتىنىن مەلٸمدەدٸ. زەلەنسكيي پرەزيدەنت قىزمەتٸنە 3 ماۋسىمعا دەيٸن كٸرٸسۋٸ تيٸس.
