"ۋكراينادا رەسەيدٸڭ 336 ازاماتى قاماۋدا وتىر", دەپ حابارلادى ۋكراينانىڭ مەملەكەتتٸك قىلمىستىق-اتقارۋ قىزمەتٸ. 1 قىركٷيەك كٷنگٸ جاعداي بويىنشا, 130 ادام تەرگەۋ يزولياتورىندا, 206 ادام تٷرمەدە قاماۋلى جاتىر.
ۋكراينا مەن رەسەي 7 قىركٷيەكتە تۇتقىن الماستى. بۇل كەلٸسٸم بارىسىندا 2018 جىلى قاراشا ايىندا كەرچ بۇعازىندا رەسەي ارنايى قىزمەتٸ ۋكراينانىڭ 24 تەڭٸزشٸسٸن قايتاردى. ۋكرايناعا ورالعاندار اراسىندا قىرىم تاتار بەلسەندٸسٸ ەدەم بەكيروۆ, ۆلاديمير بالۋح, الەكساندر كولچەنكو, ولەگ سەنتسوۆ, رەسەي اننەكسييالاپ العان قىرىمدا ۇستالىپ, سوتتالعان ەۆگەنيي پانوۆ, رومان سۋششەنكو, پاۆەل گريب, ستانيسلاۆ كلىح, نيكولاي كارپيۋك, ارتۋر پانوۆ, الەكسەي سيزونوۆيچ بار.
ال ۋكراينا "مەملەكەتكە وپاسىزدىق جاسادى" دەپ ايىپتالعان ريا نوۆوستي ۋكراينا اگەنتتٸگٸنٸڭ باس رەداكتورى كيريلل ۆىشينسكييدٸ, مالايزييالىق "بوينگ" ۇشاعىنىڭ اپاتىنا كٷدٸكتٸ رەتٸندە تانىلعان ۆلاديمير تسەماحتى جەنە تاعى دا 33 ادامدى رەسەيگە بەردٸ.
ۋكراينا اقپارات قۇرالدارىنىڭ جازۋىنشا, بۇعان دەيٸن گوللاندييا ۋكراينادان "بوينگ" اپاتى بويىنشا ماڭىزدى كۋەگەر تسەماحتى رەسەيگە بەرمەۋدٸ سۇراعان. ٶزٸن-ٶزٸ جارييالاعان "دونەتسك حالىق رەسپۋبليكاسىنىڭ" ەۋە شابۋىلىنا قارسى ەسكەري بٶلٸمٸنٸڭ بۇرىنعى جەتەكشٸسٸ ۆلاديمير تسەماحتى ۋكراينانىڭ ارنايى قىزمەتٸ بيىل ماۋسىمدا دونباستا ۇستاعان.
