"Ýkrainada Reseidiń 336 azamaty qamaýda otyr", dep habarlady Ýkrainanyń memlekettik qylmystyq-atqarý qyzmeti. 1 qyrkúiek kúngi jaǵdai boiynsha, 130 adam tergeý izoliatorynda, 206 adam túrmede qamaýly jatyr.
Ýkraina men Resei 7 qyrkúiekte tutqyn almasty. Bul kelisim barysynda 2018 jyly qarasha aiynda Kerch buǵazynda Resei arnaiy qyzmeti Ýkrainanyń 24 teńizshisin qaitardy. Ýkrainaǵa oralǵandar arasynda Qyrym tatar belsendisi Edem Bekirov, Vladimir Balýh, Aleksandr Kolchenko, Oleg Sentsov, Resei anneksiialap alǵan Qyrymda ustalyp, sottalǵan Evgenii Panov, Roman Sýshenko, Pavel Grib, Stanislav Klyh, Nikolai Karpiýk, Artýr Panov, Aleksei Sizonovich bar.
Al Ýkraina "memleketke opasyzdyq jasady" dep aiyptalǵan RIA Novosti Ýkraina agenttiginiń bas redaktory Kirill Vyshinskiidi, malaiziialyq "Boing" ushaǵynyń apatyna kúdikti retinde tanylǵan Vladimir Tsemahty jáne taǵy da 33 adamdy Reseige berdi.
Ýkraina aqparat quraldarynyń jazýynsha, buǵan deiin Gollandiia Ýkrainadan "Boing" apaty boiynsha mańyzdy kýáger Tsemahty Reseige bermeýdi suraǵan. Ózin-ózi jariialaǵan "Donetsk halyq respýblikasynyń" áýe shabýylyna qarsy áskeri bóliminiń burynǵy jetekshisi Vladimir Tsemahty Ýkrainanyń arnaiy qyzmeti biyl maýsymda Donbasta ustaǵan.
