ۋكراينا پرەزيدەنتٸ ۆلاديمير زەلەنسكيي تەگەران تٷبٸندە قۇلاعان ۇشاقتىڭ قازا بولعان جولاۋشىلارىنىڭ جاقىندارىنا كٶڭٸل ايتتى, – دەپ حابارلايدى ريا نوۆوستي.
"تاياۋ شىعىستان سۋىت حابار. بٷگٸن تاڭەرتەڭ يمام حومەيني حالىقارالىق ەۋەجايىنان ۇشىپ شىققان "ۋكراينا حالىقارالىق ەۋە جەلٸلەرٸ" كومپانيياسىنىڭ جولاۋشىلار ۇشاعى اپاتقا ۇشىراپ, ەۋەجاي ماڭىنا قۇلادى. الدىن الا مەلٸمەت بويىنشا, بارلىق جولاۋشى مەن ەكيپاج مٷشەلەرٸ قازا بولعان. بٸزدٸڭ ەلشٸلٸك تراگەدييانىڭ مەن-جايى مەن قازا بولعانداردىڭ تٸزٸمٸن ناقتىلاپ جاتىر. جولاۋشىلار مەن ەكيپاج مٷشەلەرٸنٸڭ جاقىندارىنا قايعىرىپ كٶڭٸل ايتامىن", - دەپ جازدى زەلەنسكيي فەيسبۋكتەگٸ پاراقشاسىندا.
تراگەدييا بٷگٸن تاڭەرتەڭ يمام حومەيني اتىنداعى تەگەران حالىقارالىق ەۋەجايىنىڭ ماڭىندا بولدى.
تەگەراننان كيەۆكە بەت العان Boeing 737 ۇشاعى ەۋەگە كٶتەرٸلگەننەن كەيٸن ەكٸ مينۋتتان سوڭ قۇلاعان.
يراننىڭ ازاماتتىق اۆياتسييا ٶكٸلٸ لاينەر بورتىندا 167 جولاۋشى بولعانىن مەلٸمدەدٸ. رەسمي دەرەكتەرگە سٷيەنسەك, تٸرٸ قالعاندار جوق.
يران تج باسقارماسىنىڭ باسشىسى جولاۋشىلاردىڭ دەنٸ يران ازاماتتارى بولعانىن مەلٸمدەدٸ.
تەگەران ەۋەجايىنىڭ ٶكٸلٸ حابارلاعانداي, ۋكراينالىق ۇشاقتىڭ قۇلاۋىنا قوزعالتقىشتىڭ ٶرتەنۋٸ سەبەپ بولعان.
قازٸر وقيعا ورنىندا قۇتقارۋشىلار جۇمىس ٸستەپ جاتىر.
قازاقستاننىڭ سىرتقى ٸستەر مينيسترلٸگٸ ۇشاق بورتىندا قازاقستاندىقتار بولماعانىن مەلٸمدەدٸ.
