الەكساندر تكاچۋك, ۋكراينا قاۋٸپسٸزدٸك قىزمەتٸ اپپاراتىنىڭ جەتەكشٸسٸ.
ۋكراينا ٶزٸنٸڭ قارجىلىق جەنە ەنەرگەتيكالىق جٷيەسٸنە, ينفراقۇرىلىم نىساندارىنا رەسەيلٸك حاكەرلەردٸڭ شابۋىل جاساعانىن مەلٸمدەدٸ. ۋكراينا بيلٸگٸنٸڭ حابارلاۋىنشا, شابۋىل سانى مىڭداپ سانالادى. حاكەرلٸك شابۋىلداردا ٶنەركەسٸپ پروتسەسٸنە قارسى ۆيرۋستىڭ جاڭا تٷرٸ قولدانىلعان.
ۋكراينا قاۋٸپسٸزدٸك قىزمەتٸ اپپاراتىنىڭ جەتەكشٸسٸ الەكساندر تكاچۋك حاكەرلٸك شابۋىلداردى رەسەي ارنايى قىزمەتٸ زييان كەلتٸرەتٸن BlackEnergy دەپ اتالاتىن باعدارلامانى جاساۋعا قاتىسى بار حاكەرلٸك قىلمىستىق توپتىڭ كٶمەگٸمەن ۇيىمداستىرعان.
ۋكراينا بيلٸگٸ حاكەرلەردٸ 2015 جىلى جەلتوقساندا كيەۆتٸڭ ەنەرگەتيكالىق جٷيەسٸن ٸستەن شىعارۋ ٷشٸن Black Energy باعدارلاماسىن قولداندى جەنە قورعانىس مينيسترلٸگٸ مەن قارجى مينيسترلٸگٸنٸڭ, ۋكراينا مەملەكەتتٸك قازىناشىلىقى قىزمەتٸنٸڭ كومپيۋتەرلٸك جەلٸلەرٸنە كيبەرشابۋىل جاسادى دەپ ايىپتايدى.
"رەسەيلٸك حاكەرلەر مەن ينفوبوتتار ۋكرايناعا قارسى اقپاراتتىق باسقىنشىلىقتىڭ ەڭ ماڭىزدى قۇرالدارىنىڭ بٸرٸ بولدى" دەدٸ تكاچۋك. سوڭعى شابۋىلداردا ينفراقۇرىلىمداردى باسقاراتىن كومپيۋتەرلەردٸ زاقىمداۋ ٷشٸن Telebots دەپ شارتتى تٷردە اتالاتىن باعدارلاما قولدانىلعان.
مەسكەۋ ۋكرايناعا قارسى "كيبەرسوعىس" جٷرگٸزٸپ جاتقانىن بٸرنەشە رەت تەرٸستەگەن.
سلوۆاكييانىڭ كيبەر قاۋٸپسٸزدٸك سالاسىندا ماماندانعان ESET كومپانيياسى Telebots كومپيۋتەرلٸك جەلٸلەردٸ BlackEnergy باعدارلاماسىنىڭ كٶمەگٸمەن بۇزىپ كٶرۋ تەجٸريبەسٸنەن دامىپ, تۋىنداعان بولۋى مٷمكٸن دەيدٸ.
بۇل سالاداعى ٶزگە CyberX كومپانيياسى ۋكراينادا اڭدۋ جاساۋ وپەراتسيياسى ەشكەرە بولعانىن, ونىڭ نەتيجەسٸندە ەنەرگەتيكا مينيسترلٸگٸ مەن عىلىمي-زەرتتەۋ ينستيتۋتىن قوسا العاندا 60-تان استام نىسانعا قارسى مەلٸمەت جينالعانىن حابارلادى.
