Aleksandr Tkachýk, Ýkraina Qaýipsizdik qyzmeti apparatynyń jetekshisi.
Ýkraina óziniń qarjylyq jáne energetikalyq júiesine, infraqurylym nysandaryna reseilik hakerlerdiń shabýyl jasaǵanyn málimdedi. Ýkraina biliginiń habarlaýynsha, shabýyl sany myńdap sanalady. Hakerlik shabýyldarda ónerkásip protsesine qarsy virýstyń jańa túri qoldanylǵan.
Ýkraina qaýipsizdik qyzmeti apparatynyń jetekshisi Aleksandr Tkachýk hakerlik shabýyldardy Resei arnaiy qyzmeti ziian keltiretin BlackEnergy dep atalatyn baǵdarlamany jasaýǵa qatysy bar hakerlik qylmystyq toptyń kómegimen uiymdastyrǵan.
Ýkraina biligi hakerlerdi 2015 jyly jeltoqsanda Kievtiń energetikalyq júiesin isten shyǵarý úshin Black Energy baǵdarlamasyn qoldandy jáne qorǵanys ministrligi men qarjy ministrliginiń, Ýkraina memlekettik qazynashylyqy qyzmetiniń kompiýterlik jelilerine kibershabýyl jasady dep aiyptaidy.
"Reseilik hakerler men infobottar Ýkrainaǵa qarsy aqparattyq basqynshylyqtyń eń mańyzdy quraldarynyń biri boldy" dedi Tkachýk. Sońǵy shabýyldarda infraqurylymdardy basqaratyn kompiýterlerdi zaqymdaý úshin Telebots dep shartty túrde atalatyn baǵdarlama qoldanylǵan.
Máskeý Ýkrainaǵa qarsy "kibersoǵys" júrgizip jatqanyn birneshe ret teristegen.
Slovakiianyń kiber qaýipsizdik salasynda mamandanǵan ESET kompaniiasy Telebots kompiýterlik jelilerdi BlackEnergy baǵdarlamasynyń kómegimen buzyp kórý tájiribesinen damyp, týyndaǵan bolýy múmkin deidi.
Bul saladaǵy ózge CyberX kompaniiasy Ýkrainada ańdý jasaý operatsiiasy áshkere bolǵanyn, onyń nátijesinde energetika ministrligi men ǵylymi-zertteý institýtyn qosa alǵanda 60-tan astam nysanǵa qarsy málimet jinalǵanyn habarlady.
