ۋكراينادا 15 ماۋسىمدا گەورگيي لەنتاسىن جاساۋعا جەنە ناسيحاتتاۋعا تىيىم سالاتىن زاڭ كٷشٸنە ەندٸ. كەشە زاڭ مەتٸنٸ رەسمي "گولوس ۋكراينى" باسىلىمىندا جارييالانعان.
زاڭ بويىنشا, گەورگيي لەنتاسىن كٶپشٸلٸك كٶزٸنشە پايدالانۋ, كٶرسەتۋ, تاعىپ جٷرۋ, لەنتانى نەمەسە ونىڭ بەينەسٸن تاراتۋ ونى "ناسيحاتتاۋ" بولىپ سانالادى. گەورگيي لەنتاسىن تاققانى ٷشٸن ەكٸ جارىم مىڭنان جٷز مىڭ گريۆەنگە دەيٸن (جٷز دوللار شاماسىندا) ايىپپۇل سالىنباق. بۇدان ٶزگە, 15 تەۋلٸككە دەيٸن قاماۋ جەنە لەنتانى تەركٸلەۋ دە قاراستىرىلعان.
دەگەنمەن, تىيىم ەكٸنشٸ دٷنيەجٷزٸلٸك سوعىسقا قاتىسقان, گەورگيي لەنتاسى تاعىلعان ناگرادالارى مەن مەرەيتويلىق مەدالدەرٸ بار ادامدارعا جٷرمەيدٸ. لەنتانى سونىمەن قاتار مۇراجايلاردا, كٸتاپحانا قورلارىندا, ٶنەر تۋىندىلارىندا, عىلىمي اينالىمدا ەكسپوزيتسييا رەتٸندە پايدالانۋعا بولادى.
ۋكراينا پارلامەنتٸ گەورگيي لەنتاسىن جاساپ, تاراتۋعا تىيىم سالاتىن زاڭ جوباسىن 16 مامىردا قابىلداعان. زاڭعا 12 ماۋسىمدا پرەزيدەنت پەتر پوروشەنكو قول قويعان.
