Ýkrainada 15 maýsymda Georgii lentasyn jasaýǵa jáne nasihattaýǵa tyiym salatyn zań kúshine endi. Keshe zań mátini resmi "Golos Ýkrainy" basylymynda jariialanǵan.
Zań boiynsha, Georgii lentasyn kópshilik kózinshe paidalaný, kórsetý, taǵyp júrý, lentany nemese onyń beinesin taratý ony "nasihattaý" bolyp sanalady. Georgii lentasyn taqqany úshin eki jarym myńnan júz myń grivenge deiin (júz dollar shamasynda) aiyppul salynbaq. Budan ózge, 15 táýlikke deiin qamaý jáne lentany tárkileý de qarastyrylǵan.
Degenmen, tyiym Ekinshi dúniejúzilik soǵysqa qatysqan, Georgii lentasy taǵylǵan nagradalary men mereitoilyq medalderi bar adamdarǵa júrmeidi. Lentany sonymen qatar murajailarda, kitaphana qorlarynda, óner týyndylarynda, ǵylymi ainalymda ekspozitsiia retinde paidalanýǵa bolady.
Ýkraina parlamenti Georgii lentasyn jasap, taratýǵa tyiym salatyn zań jobasyn 16 mamyrda qabyldaǵan. Zańǵa 12 maýsymda prezident Petr Poroshenko qol qoiǵan.
