فوتو: ٷكٸمەت
مەملەكەت باسشىسىنىڭ تۇراقتى ەكونوميكالىق ٶسۋدٸ قامتاماسىز ەتۋ جٶنٸندەگٸ تاپسىرمالارىن ورىنداۋ شەڭبەرٸندە ٷكٸمەت وتىرىسىندا ەلدٸڭ 2026-2028 جىلدارعا ارنالعان ەلەۋمەتتٸك-ەكونوميكالىق دامۋ بولجامى قارالدى, دەپ حابارلايدى Ult.kz.
نەگٸزگٸ ماكروەكونوميكالىق ينديكاتورلار تۋرالى پرەمەر-مينيستردٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعارين باياندادى.
بولجام نەگٸزگٸ ستسەناريي نەگٸزٸندە قالىپتاسادى. وعان سەيكەس 2026 جىلى جٸٶ-نٸڭ ناقتى ٶسۋٸ 5,4%-دى قۇرايدى, ال ٷش جىلداعى ورتاشا جىلدىق قارقىن 5,3%-عا جەتەدٸ. نومينالدى جٸٶ 2026 جىلى 183,8 ترلن تەڭگەدەن 2028 جىلى 229,8 ترلن تەڭگەگە دەيٸن ٶسەدٸ.
ەكونوميكانىڭ ٶسۋٸنٸڭ نەگٸزگٸ درايۆەرلەرٸ ناقتى سەكتور مەن قىزمەت كٶرسەتۋ سالاسى بولادى. ٶڭدەۋشٸ ٶنەركەسٸپتە ينۆەستيتسييالىق جوبالاردى جٷزەگە اسىرۋ ەسەبٸنەن ٶسۋ قارقىنىنىڭ 2026 جىلعى 6,2%-دان 2028 جىلى 6,6%-عا دەيٸن ۇلعايۋى بولجانادى. قۇرىلىستاعى ٷش جىلداعى ورتاشا ٶسٸم 11,0%, كٶلٸك سالاسىندا – 10,1%, ساۋدادا – 6,7% دەڭگەيٸندە كٷتٸلۋدە.
مينيستر بولجامدى كەزەڭدە وڭ ساۋدا بالانسى ساقتالاتىنىن اتاپ ٶتتٸ. ەكسپورت 2026 جىلى $77,1 ملرد-تان 2028 جىلى $83,7 ملرد-قا دەيٸن, يمپورت – $67,7-دان $75,2 ملرد-قا دەيٸن ٶسەدٸ.
ماكرو بولجامنىڭ نەگٸزٸندە الداعى ٷش جىلدىق كەزەڭگە ارنالعان بيۋدجەت پارامەترلەرٸ قالىپتاستىرىلدى. رەسپۋبليكالىق بيۋدجەتتٸڭ كٸرٸستەرٸ 2026 جىلى 19,2 ترلن تەڭگەنٸ قۇرايدى, كەيٸننەن 2028 جىلى 23,2 ترلن تەڭگەگە دەيٸن ٶسەدٸ دەپ بولجانۋدا. ۇلتتىق قوردان كەپٸلدەندٸرٸلگەن ترانسفەرت جىل سايىن 2, 77 ملرد تەڭگە مٶلشەرٸندە ايقىندالاى.
بيۋدجەت تاپشىلىعى 2026 جىلى جٸٶ-گە 2,5% دەڭگەيٸندە ايقىندالدى, 2028 جىلى جٸٶ-گە 0,9%-عا دەيٸن تٶمەندەدٸ. بۇل رەتتە مۇناي ەمەس تاپشىلىق جٸٶ-گە قاتىستى 4,9%-دان 2,7%-عا دەيٸن قىسقارادى.
«كٸرٸستەر مەن شىعىستاردىڭ وسىنداي كٶلەمدەرٸندە بيۋدجەت نىسانالى ترانسفەرت تٷرٸندە ۇلتتىق قوردان قوسىمشا قاراجات تارتۋدىڭ قاجەتتٸلٸگٸنسٸز ٶزٸن-ٶزٸ قامتاماسىز ەتەدٸ», — دەپ اتاپ ٶتتٸ ۆيتسە-پرەمەر.
