Foto: Úkimet
Memleket basshysynyń turaqty ekonomikalyq ósýdi qamtamasyz etý jónindegi tapsyrmalaryn oryndaý sheńberinde Úkimet otyrysynda eldiń 2026-2028 jyldarǵa arnalǵan áleýmettik-ekonomikalyq damý boljamy qaraldy, dep habarlaidy Ult.kz.
Negizgi makroekonomikalyq indikatorlar týraly Premer-ministrdiń orynbasary – ulttyq ekonomika ministri Serik Jumanǵarin baiandady.
Boljam negizgi stsenarii negizinde qalyptasady. Oǵan sáikes 2026 jyly JIÓ-niń naqty ósýi 5,4%-dy quraidy, al úsh jyldaǵy ortasha jyldyq qarqyn 5,3%-ǵa jetedi. Nominaldy JIÓ 2026 jyly 183,8 trln teńgeden 2028 jyly 229,8 trln teńgege deiin ósedi.
Ekonomikanyń ósýiniń negizgi draiverleri naqty sektor men qyzmet kórsetý salasy bolady. Óńdeýshi ónerkásipte investitsiialyq jobalardy júzege asyrý esebinen ósý qarqynynyń 2026 jylǵy 6,2%-dan 2028 jyly 6,6%-ǵa deiin ulǵaiýy boljanady. Qurylystaǵy úsh jyldaǵy ortasha ósim 11,0%, kólik salasynda – 10,1%, saýdada – 6,7% deńgeiinde kútilýde.
Ministr boljamdy kezeńde oń saýda balansy saqtalatynyn atap ótti. Eksport 2026 jyly $77,1 mlrd-tan 2028 jyly $83,7 mlrd-qa deiin, import – $67,7-dan $75,2 mlrd-qa deiin ósedi.
Makro boljamnyń negizinde aldaǵy úsh jyldyq kezeńge arnalǵan biýdjet parametrleri qalyptastyryldy. Respýblikalyq biýdjettiń kiristeri 2026 jyly 19,2 trln teńgeni quraidy, keiinnen 2028 jyly 23,2 trln teńgege deiin ósedi dep boljanýda. Ulttyq qordan kepildendirilgen transfert jyl saiyn 2, 77 mlrd teńge mólsherinde aiqyndalay.
Biýdjet tapshylyǵy 2026 jyly JIÓ-ge 2,5% deńgeiinde aiqyndaldy, 2028 jyly JIÓ-ge 0,9%-ǵa deiin tómendedi. Bul rette munai emes tapshylyq JIÓ-ge qatysty 4,9%-dan 2,7%-ǵa deiin qysqarady.
«Kirister men shyǵystardyń osyndai kólemderinde biýdjet nysanaly transfert túrinde Ulttyq qordan qosymsha qarajat tartýdyń qajettiliginsiz ózin-ózi qamtamasyz etedi», — dep atap ótti vitse-premer.
