ٶتكەن جىلى رەسپۋبليكالىق بيۋدجەتتەن بٶلٸنگەن نىسانالى ترانسفەرتتەردٸ 2 قالا مەن 3 وبلىس ەكٸمدٸگٸ يگەرە المادى. بۇل تۋرالى ٷكٸمەت وتىرىسىندا قر قارجى مينيسترٸ ەرۇلان جاماۋباەۆ ايتتى, دەپ حابارلايدى "ۇلت اقپارات".
«2020 جىلى ٶڭٸرلەرگە كٶزدەلگەن نىسانالى ترانسفەرتتەر تولىق كٶلەمدە بٶلٸندٸ جەنە 2,2 ترلن تەڭگەنٸ قۇرادى. الدىن الا دەرەكتەر بويىنشا, جەرگٸلٸكتٸ جەرلەردە 99,4 پايىزى يگەرٸلگەن. اتقارىلماعانى – 13 ملرد تەڭگە, ونىڭ ٸشٸندە 2 ملرد تەڭگە – ٷنەمدەۋ, 11 ملرد تەڭگە يگەرٸلمەدٸ. ەڭ كٶپ يگەرٸلمەۋ نۇر–سۇلتان, الماتى قالالارىندا, پاۆلودار, اقمولا جەنە قىزىلوردا وبلىستارىندا قالىپتاستى», - دەدٸ مينيستر.
ونىڭ ايتۋىنشا, ٶتكەن جىلى رەسپۋبليكالىق بيۋدجەتتٸڭ پارامەترلەرٸ ەكٸ رەت ناقتىلانعان بولاتىن. بۇل رەتتە, بيۋدجەت زاڭناماسىنا سەيكەس شىعىس بٶلٸگٸ رەسپۋبليكالىق بيۋدجەتتٸك باعدارلامالار ەكٸمشٸلەرٸنٸڭ جەنە جەرگٸلٸكتٸ اتقارۋشى ورگانداردىڭ ٶتٸنٸمدەرٸ بويىنشا 8 رەت تٷزەتٸلدٸ.
«دەگەنمەن, جىل قورىتىندىسى بويىنشا بٸزدە رەسپۋبليكالىق دەڭگەيدە دە, نىسانالى ترانسفەرتتەر بويىنشا جەرگٸلٸكتٸ دەڭگەيدە دە يگەرٸلمەۋ ورىن الدى. وسىعان بايلانىستى مەملەكەتتٸك ورگانداردىڭ تيٸستٸ لاۋازىمدى تۇلعالارىن جاۋاپكەرشٸلٸككە تارتۋ مەسەلەسٸن قاراستىرۋ ۇسىنىلادى», - دەدٸ ەرۇلان جاماۋباەۆ.
