مەملەكەت باسشىسى ەلٸمٸزدٸڭ كادرلىق ەلەۋەتٸن بٸرتٸندەپ ارتتىرۋ ماڭىزدىلىعىنا توقتالدى, دەپ حابارلايدى "ۇلت اقپارات".
ەكونوميكانى بٸلٸكتٸ ماماندارمەن قامتاماسىز ەتۋ – اسا ٶزەكتٸ مٸندەت. ەڭ الدىمەن, سۋ, ەنەرگەتيكا, قۇرىلىس جەنە باسقا دا سالالاردا قاتتى بايقالىپ وتىرعان كادر تاپشىلىعىن جويۋ قاجەت. سونداي-اق بولاشاقتا سۇرانىسقا يە بولاتىن كەسٸپتەر ٷشٸن بٸلٸكتٸ ماماندار دايارلاۋ كەرەك. بۇل باعىتتا ناقتى جۇمىستار باستالدى.
"ٷكٸمەت جوعارى بٸلٸم سالاسىن حالىقارالىق بٸلٸم بەرۋ كەڭٸستٸگٸمەن ىقپالداستىرىپ جاتىر. قازٸردٸڭ ٶزٸندە ەلٸمٸزدە شەتەلدٸڭ بەلگٸلٸ 23 جوعارى وقۋ ورنى جۇمىس جٷرگٸزە باستادى. ولارعا مەيلٸنشە قولداۋ كٶرسەتۋ كەرەك. اتاپ ايتقاندا, مامان دايارلاۋعا بەرٸلەتٸن مەملەكەتتٸك تاپسىرىستى بٸرتٸندەپ كٶبەيتكەن جٶن. بۇل تەسٸلدٸ بٸلٸم باعدارلاماسى زامان تالابىنا ساي كەلەتٸن ٶز وقۋ ورىندارىمىزعا دا قولدانۋعا بولادى. وسى رەتتە گرانت قۇنى جاستاردى ساپالى وقىتۋعا مٷمكٸندٸك بەرۋگە تيٸس. مەملەكەت قارجىسىن ۋنيۆەرسيتەتتٸڭ بەرٸنە شاشىراتىپ, وڭدى-سولدى تاراتا بەرۋگە بولمايدى. ٷزدٸك ۋنيۆەرسيتەتتەردٸڭ ناقتى سەكتورمەن بايلانىسىن نىعايتۋ كەرەك.
يننوۆاتسييالىق ساياساتتى ەلٸمٸزدٸڭ عىلىمي-تەحنولوگييالىق باسىمدىقتارىمەن ٷيلەستٸرۋ قاجەت. مۇنداي قادام ەر سالاداعى يننوۆاتسيياعا سەرپٸن بەرەدٸ. سونداي-اق جوعارى وقۋ ورىندارىنداعى قولدانبالى عىلىمنىڭ ەلەۋەتٸن ارتتىرادى. سونىمەن قاتار عالىمداردىڭ شەتەلدەگٸ تاعىلىمداماسىن ەنشەيٸن سينەكۋراعا جەنە "اكادەمييالىق تۋريزمگە" اينالدىرماۋ كەرەك.
جوعارى وقۋ ورىندارى عانا ەمەس, تەحنيكالىق جەنە كەسٸپتٸك بٸلٸم بەرۋ مەكەمەلەرٸ دە بٸلٸكتٸ كادرلار دايارلاۋى قاجەت. ٷكٸمەت كوللەدجدە جاقسى وقىعان تٷلەكتەردٸ ماماندىعى بويىنشا مەملەكەتتٸك قىزمەتكە الۋ مٷمكٸندٸگٸن قاراستىرۋعا تيٸس", - دەدٸ پرەزيدەنت.
