قازاقستان ٷكٸمەتٸ 2026–2028 جىلدارعا ارنالعان كٶلەڭكەلٸ ەكونوميكاعا قارسى كەشەندٸ ٸس-قيمىل جوسپارىن بەكٸتتٸ. قۇجات مەملەكەت باسشىسىنىڭ ەكونوميكالىق ٷدەرٸستەردٸڭ اشىقتىعىن ارتتىرۋ جٶنٸندەگٸ تاپسىرمالارىن ورىنداۋ اياسىندا ەزٸرلەنٸپ, وعان پرەمەر-مينيستر ولجاس بەكتەنوۆ قول قويدى, دەپ حابارلايدى ult.kz.
جوسپاردى قارجى مينيسترلٸگٸ مٷددەلٸ مەملەكەتتٸك ورگاندارمەن بٸرلەسٸپ دايىنداعان. ونىڭ نەگٸزگٸ ماقساتى – كٶلەڭكەلٸ ەكونوميكانىڭ ٷلەسٸن ازايتۋ, ادال بەسەكەلەستٸكتٸ قامتاماسىز ەتۋ, بيزنەستٸڭ اشىقتىعىن كٷشەيتۋ جەنە كەسٸپكەرلەرگە قوسىمشا ەكٸمشٸلٸك جٷكتەمە تٷسٸرمەي, بيۋدجەت كٸرٸسٸن ارتتىرۋ.
ٷكٸمەتتٸڭ مەلٸمەتٸنشە, سوڭعى جىلدارى بۇل باعىتتا بٸرقاتار نەتيجە بايقالعان. اتاپ ايتقاندا, 20 اقپاراتتىق جٷيە ەنگٸزٸلٸپ جەنە جاڭعىرتىلىپ, اينالىمى 2 ترلن تەڭگەگە جەتكەن ينتەرنەت-كازينونىڭ قارجىلىق ينفراقۇرىلىمى توقتاتىلدى. سونداي-اق 360 ملرد تەڭگە كٶلەمٸندەگٸ نەگٸزسٸز بيۋدجەتتٸك شىعىننىڭ الدىن الۋ مٷمكٸن بولدى.
وسىنىڭ نەتيجەسٸندە كٶلەڭكەلٸ ەكونوميكانىڭ ٷلەسٸ 2019 جىلعى جالپى ٸشكٸ ٶنٸمنٸڭ 24 پايىزىنان 2025 جىلدىڭ قورىتىندىسى بويىنشا 16,7 پايىزعا دەيٸن تٶمەندەگەن. ەندٸ جاڭا جوسپار اياسىندا بۇل كٶرسەتكٸشتٸ 2028 جىلعا قاراي جٸٶ-نٸڭ 13,8 پايىزىنا دەيٸن قىسقارتۋ كٶزدەلٸپ وتىر.
جوسپاردىڭ باستى جاڭالىعى – جاساندى ينتەللەكت نەگٸزٸندە جۇمىس ٸستەيتٸن بٸرىڭعاي تسيفرلىق مونيتورينگ پلاتفورماسىن ٸسكە قوسۋ. ول مەملەكەتتٸك ورگانداردىڭ دەرەكتەرٸن بٸرٸكتٸرٸپ, كٶلەڭكەلٸ ەكونوميكا تەۋەكەلدەرٸن الدىن الا انىقتاۋعا جەنە بيۋدجەتكە زالال كەلتٸرەتٸن زاڭ بۇزۋشىلىقتاردىڭ جولىن كەسۋگە مٷمكٸندٸك بەرەدٸ.
قۇجاتتا بارلىعى 53 ٸس-شارا قاراستىرىلعان. ولار ساۋدا, قۇرىلىس, كٶلٸك, اۋىل شارۋاشىلىعى, دەنساۋلىق ساقتاۋ جەنە بٸلٸم بەرۋ سيياقتى تەۋەكەلٸ جوعارى سالالاردى تسيفرلاندىرۋعا باعىتتالعان.
سونىمەن قاتار Digital Bazaar پلاتفورماسىن دامىتۋ, تسيفرلىق تاڭبالاۋعا جاتاتىن تاۋارلار تٸزٸمٸن كەڭەيتۋ, ۇلتتىق تاۋارلار كاتالوگىن تولىقتىرۋ, ەلەكتروندىق كوممەرتسييا مەن ماركەتپلەيستەردٸ رەتتەۋدٸ جەتٸلدٸرۋ, مەملەكەتتٸك اقپاراتتىق جٷيەلەردٸ ينتەگراتسييالاۋ جەنە «تسيفرلىق تەڭگە» جوباسىن كەڭٸنەن پايدالانۋ جوسپارلانعان.
ٷكٸمەت جاڭا كەشەندٸ جوسپار بيزنەسكە قوسىمشا ەكٸمشٸلٸك تالاپتار ەنگٸزبەيتٸنٸن اتاپ ٶتتٸ. نەگٸزگٸ باسىمدىق پروتسەستەردٸ اۆتوماتتاندىرۋعا, تسيفرلاندىرۋعا, جاساندى ينتەللەكت پەن زاماناۋي اناليتيكالىق قۇرالداردى قولدانۋعا بەرٸلەدٸ.
