بيىل رەسەيدە حالىق سانى 158 مىڭعا ازايادى. بۇل - سوڭعى 14 جىل ٸشٸندەگٸ ەڭ جوعارى كٶرسەتكٸش. ٷكٸمەتتٸڭ ۇلتتىق ماقساتقا جەتۋ جوباسىنا سٸلتەمە جاساعان ربك سايتى وسىنداي بولجام تۋرالى جازدى. سوڭعى رەت 2006 جىلى حالىق سانى بٸر جىلدا 374 مىڭعا كەمٸپ, رەكوردتىق كٶرسەتكٸشكە جەتكەن ەدٸ.
ربك-نىڭ ەكٸ دەرەككٶزٸ راستاعان رەسمي قۇجاتتاعى مەلٸمەتكە سەيكەس, 2020 جىلى رەسەيدە حالىق سانى بىلتىرعى جىلمەن سالىستىرعاندا بەس ەسەگە ازايماق. قاڭتار مەن ماۋسىم ارالىعىندا ٸندەت ٶرشٸپ تۇرعان شاقتا ادام ٶلٸمٸ 3,1 پايىزعا ارتقان, بالا تۋۋ كٶرسەتكٸشٸ 5,4 پايىزعا تٶمەندەگەن. بولجامعا سەيكەس, ەپيدەمييادان كەيٸن رەسەيدە 2022 جىلدان باستاپ قانا حالىق ٶسٸمٸ بايقالۋى مٷمكٸن.
2016 جىلدان بەرٸ رەسەيدە حالىق سانى جىلدام ازايىپ كەلەدٸ, ونىڭ باستى سەبەبٸ بالا تۋۋ كٶرسەتكٸشٸنٸڭ ازايۋى دەپ ايتىلادى. ميگرانتتاردىڭ كەلۋٸ دە تابيعي كەمۋ كٶرسەتكٸشٸنٸڭ ورنىن تولتىرا الماعان. ەلدە بالا تۋۋعا قابٸلەتتٸ ەيەلدەر سانى ازايعاندىقتان ماماندار تۋۋ كٶرسەتكٸشٸن ارتتىرۋدى كٶزدەيتٸن شارالاردىڭ دا مٷمكٸندٸگٸ شەكتەۋلٸ دەپ سانايدى.
بۇعان قوسا, ٷكٸمەت ەلدە كەدەيلٸك كٶرسەتكٸشٸ دە ۇلعايادى دەپ بولجاپ وتىر. 2020 جىلى تابىسى ەڭ تٶمەنگٸ كٷنكٶرٸس دەڭگەيٸنەن از ادامدار سانى 13,3 پايىزعا جەتپەك. ٷكٸمەت 2030 جىلعا دەيٸن كەدەيلٸكتٸ 6,5 پايىزعا دەيٸن ازايتۋدى كٶزدەپ وتىر.
روسستات مەلٸمەتٸنشە, 2014-2017 جىلدارى حالىقتىڭ شىنايى تابىسى تٶمەندەگەن, 2018 جىلى 0,1 پايىزعا عانا كٶبەيگەن.
سبەربانك مەلٸمەتٸنشە, 2020 جىلى رەسەيلٸكەردٸڭ 2,5 پايىزى تابىسىنان تولىق ايىرىلعان, جۇمىس ٸستەيتٸن ەربٸر ەكٸنشٸ ادامنىڭ جالاقىسى ازايعان. نافي اناليتيكالىق ورتالىعىنىڭ دەرەگٸنشە, پاندەميياعا دەيٸن رەسەيلٸكتەردٸڭ 45 پايىزىندا قارجى قورى قالماعان. ساۋالناماعا قاتىسقانداردىڭ 46 پايىزى قارجىلاي قيىندىققا ۇشىراعانىن ايتقان.
