ساۋدا جەنە ينتەگراتسييا مينيسترٸلٸگٸندە ۋاقىت بەلدەۋٸن ٶزگەرتۋگە قارسى پەتيتسييا قارالىپ جاتىر, دەپ حابارلايدى "ۇلت اقپارات" Kazinform اقپارات اگەنتتٸگٸنە سٸلتەمە جاساپ.
تالقىلاۋدا بٸرٸنشٸ بولىپ سٶز العان دەنساۋلىق ساقتاۋ مينيسترٸنٸڭ بٸرٸنشٸ ورىنباسارى تيمۋر سۇلتانعازيەۆ ۆەدومستۆو تاراپىنان بۇل مەسەلە بويىنشا تيٸستٸ جۇمىس توبىن قۇرىلعانىن ايتتى.
«ونىڭ قۇرامىنا عالىم ماماندار مەن دەرٸگەرلەر, مەديتسينا ٶكٸلدەرٸ كٸردٸ. ولار ۋاقىت بەلدەۋٸن ٶزگەرتۋ جٶنٸندەگٸ شەتەلدٸك عىلىمي ەدەبيەتتٸ, ٶزگە ەلدەردٸڭ تەجٸريبەسٸن زەرتتەۋ باعىتىندا ٷلكەن جۇمىس اتقاردى. وسى زەرتتەۋلەر نەگٸزٸندە عالىمدار جاساعان قورىتىندى بويىنشا, ۋاقىتتى بٸر ساعاتقا ٶزگەرتۋ مەن دەنساۋلىققا ايتارلىقتاي ەسەرٸ اراسىندا ەشقانداي بايلانىس جوق.
سونداي-اق, بٸز دٷنيەجٷزٸلٸك دەنساۋلىق ساقتاۋ مينيسترلٸگٸنە دە جٷگٸندٸك. ونداعى ساراپشىلار دا وسى مەسەلەنٸ تالقىلاۋ ٷشٸن ٶز پٸكٸرلەرٸن ايتتى. جالپى عالىمدار ادام دەنساۋلىعىنا كٷن ۋاقىتىنا بارىنشا جاقىن ۋاقىت بەلدەۋٸن تۇراقتى قولدانۋعا كەڭەس بەرٸپ وتىر. New England Journal of Medicine باسىلىمىندا جارييالانعان زەرتتەۋدٸ قىسقاشا بايانداپ شىعۋعا رۇقسات ەتٸڭٸزدەر. زەرتتەۋ قىسقى جەنە جازعى ۋاقىتقا 1 ساعات ايىرماشىلىعىمەن كٶشۋ ادامداردىڭ كٶپشٸلٸگٸنٸڭ دەنساۋلىعىندا ايتارلىقتاي بۇزىلىستارعا ەكەلمەيتٸنٸن كٶرسەتكەن. ۋاقىت ٶزگەرٸسٸنە اعزا بەلگٸلٸ بٸر ۋاقىتتىڭ ٸشٸندە ۇزاق مەرزٸمدٸ كەرٸ ەسەرلەرسٸز بەيٸمدەلە الاتىنى ايتىلعان», - دەدٸ ول.
ۆيتسە-مينيستر ۋاقىتتى 1 ساعاتقا جىلجىتۋ ۇيقىنى رەتتەيتٸن گورمون – مەلاتونين ٶندٸرٸسٸندە مينيمالدى ٶزگەرٸستەر تۋىنداتادى دەپ وتىر.
«Journal of biological Britance-تە جارييالانعان زەرتتەۋ اعزا ۋاقىتتىڭ مۇنداي جىلجۋىنا 1-2 كٷندە جەنە بٸرنەشە ايدا بەيٸمدەلەتٸنٸن كٶرسەتتٸ. جاڭا ۋاقىت كەستەسٸنە مەلاتونين دەڭگەيٸ تەز بەيٸمدەلٸپ, قالىپتى ۇيقى رەجيمٸن قامتاماسىز ەتە الاتىنى ايتىلعان. تاعى دا اتاپ ٶتكٸم كەلەدٸ, تولىققاندى زەرتتەۋ جٷرگٸزۋگە تىم از ۋاقىت ٶتتٸ. سونىڭ ٶزٸندە وسى كەزەڭدە مەديتسينالىق ۇيىمدارعا جٷگٸنۋشٸلەر سانى ەشقانداي ٶزگەرمەگەن. حالىقتىڭ دەنساۋلىق جاعدايى ايتارلىقتاي ٶزگەرگەن جوق. ۋاقىت بەلدەۋٸ ٶزگەرتٸلگەننەن بەرٸ قىسقا عانا كەزەڭ ٶتكەنٸن ەسكەرسەك, باسقا بەلدەۋگە كٶشۋدٸڭ دەنساۋلىقتاعى ەلەۋلٸ ٶزگەرٸستەرگە سەبەپكەر بولعان-بولماعانىن انىقتاۋ ٷشٸن تيٸستٸ عىلىمي زەرتتەۋلەر كەرەك. مينيسترلٸك ونداي تالداۋ مٷمكٸندٸگٸن عىلىم جەنە جوعارى بٸلٸم مينيسترلٸگٸمەن بٸرلەسٸپ قاراۋعا دايىن», - دەدٸ تيمۋر سۇلتانعازيەۆ.
