قازاقستان جازۋشىلار وداعىنىڭ مٷشەسٸ, كٶرنەكتٸ اقىن تىنىشتىقبەك ەبدٸكەكٸمۇلىنىڭ "بەسٸنشٸ ماۋسىم جۇپارى" اتتى جاڭا كٸتابى جارىق كٶردٸ.
بەلگٸلٸ قالامگەردٸڭ جاڭا جيناعىنا ٶلەڭدەرٸ مەن تولعاۋلارى, باللادالارى مەن پوەمالارى ەنگەن.
جاڭا كٸتاپ - تابيعات-انانىڭ تىلسىم كٷشتەرٸنٸڭ, قوعامدىق قۇبىلىستاردىڭ ھەم تاريح تاعىلىمدارىنىڭ الۋان سىر-سيپاتتارى مەن ادام جان دٷنيەسٸنٸڭ دە قۇپييالارىن تانىپ-بٸلۋگە ىنتىق وقىرمانداردى پاراساتتى وي, سۇلۋ سەزٸم قۋاتىمەن باۋراپ الارلىق پوەتيكالىق-فيلوسوفييالىق توسىن شەشٸمدەرٸمەن قۇندى.
كٸتاپ "اتامۇرا" باسپاسىنان 500 دانامەن جارىق كٶرگەن.
تىنىشتىقبەك ەبدٸكەكٸمۇلى - ٶتكەن عاسىردىڭ سوڭعى شيرەگٸندە قازاق پوەزيياسىنا ەرەكشە ٷنٸمەن, ٶزٸندٸك بوياۋىن الا كەلگەن ساناۋلى تالانتتاردىڭ بٸرٸ. اۋىلدا, جايلاۋدا جٷرٸپ ٷلكەن ەدەبيەت مايدانىنا ٷن قوسقان اقىن. ونىڭ ٶمٸر قۇبىلىستارى, جاراتىلىس قۇپييالارى, ادام بويىنداعى تىلسىم سىرلار, ۇلتتىڭ ٶتكەنٸ مەن كەلەشەگٸ تۋرالى وقىس ويلارى وقىرمان اراسىندا قىزۋ پٸكٸرتالاسقا تٷسٸپ جاتادى. اقىن ٶز تۋىندىلارىندا تابيعات قۇبىلىستارىنىڭ استارىن اشىپ, اينالا دٷنيەمەن سالىستىرا وتىرىپ, ەرٸ ايقىن, ەرٸ وبرازدى تٷردە جىرلاي بٸلەدٸ. تٸرشٸلٸكتٸڭ ەر قۇبىلىسىنا اقىندىق اسقاق سەزٸممەن قارايدى. اينالاداعى قۇبىلىسقا جاي عانا تەبٸرەنٸپ قويمايدى, سول قۇبىلىستى ٶمٸرمەن, ادامنىڭ جان-دٷنيەسٸمەن ۇشتاستىرادى. ويدى, سەزٸمدٸ جالاڭاشتاماي, پوەزيياعا تەن اقىندىق تٸلمەن وبرازدى تٷردە بەينەلەپ وتىرادى.
ايتا كەتسەك, بۇعان دەيٸن اقىننىڭ "اقشام حاتتار" (1990), "ىراۋان" (2000) اتتى جىر جيناقتارى جارىق كٶرگەن بولاتىن. سونداي-اق, 2001 جىلى "ەلوردا" باسپاسىنان "قاس ساق اڭقىماسى" اتتى فيلوسوفييالىق ەڭبەگٸ شىققان.
ۇلت پورتالى ۇجىمى تىنىشتىقبەك ەبدٸكەكٸمۇلىن قۇتتىقتاي وتىرىپ, شىعارماشىلىق تابىستار تٸلەيدٸ! قازاق ەدەبيەتٸ قورىنا قوسىلعان جاڭا تۋىندىنىڭ شىعارماشىلىق عۇمىرى ۇزاق بولسىن!
