ٸشكٸ ٸستەر مينيسترلٸگٸ «زاڭ مەن تەرتٸپ» قاعيداتى اياسىندا ەل اۋماعىندا سينتەتيكالىق ەسٸرتكٸ تاراتۋ ارنالارىنا قارسى كٷرەستٸ كٷشەيتتٸ. مامىر ايىنىڭ ەكٸنشٸ ونكٷندٸگٸندە ەسٸرتكٸ قىلمىسىنا قارسى ٸس-قيمىل بٶلٸنٸستەرٸ بٸرنەشە ٸرٸ ارنانىڭ جولىن كەستٸ, دەپ حابارلايدى ult.kz.
Polisia.kz جازۋىنشا, الماتىدا جٷرگٸزٸلگەن جەدەل ٸس-شارالار بارىسىندا قالا تۇرعىنى ۇستالىپ, ودان ەكٸ كەلٸدەن استام الفا-PVP سينتەتيكالىق ەسٸرتكٸسٸ تەركٸلەندٸ. كٷدٸكتٸ ٶز كٸنەسٸن مويىنداعان. سونىمەن قاتار مەگاپوليستە تاعى بٸر ازامات قولعا تٷستٸ. ونىڭ ٷيٸن تٸنتۋ كەزٸندە شامامەن بٸر كەلٸ سينتەتيكالىق ەسٸرتكٸ مەن پسيحوتروپتىق ەسەرٸ بار دەرٸلٸك زاتتار تابىلعان.
شىعىس قازاقستان وبلىسىندا ينتەرنەت-دٷكەن كۋراتورىنىڭ تاپسىرماسىمەن ٶڭٸرلەرگە ەسٸرتكٸ تاسىمالداپ جٷرگەن الماتى وبلىسىنىڭ تۇرعىنى ۇستالدى. ودان ەكٸ كەلٸدەن استام ەسٸرتكٸ تەركٸلەندٸ.
ال قاراعاندى وبلىسىندا الماتى — ەكاتەرينبۋرگ تاسجولىندا سينتەتيكالىق ەسٸرتكٸ تاسىمالداعان كٷدٸكتٸ قولعا تٷستٸ. كٶلٸكتٸ تەكسەرۋ كەزٸندە بٸر كەلٸ الفا-PVP تابىلعان.
ٸٸم ەسٸرتكٸ قىلمىسىنا قارسى ٸس-قيمىل كوميتەتٸ باسقارماسىنىڭ باستىعى باقىتجان ەمٸرحانوۆ تەركٸلەنگەن زاتتاردىڭ جالپى سالماعى التى كەلٸدەن اسقانىن مەلٸمدەدٸ. ونىڭ ايتۋىنشا, بۇل زاڭسىز اينالىمعا تٷسۋٸ مٷمكٸن 18 مىڭنان استام بٸر رەتتٸك دوزانىڭ جولىن كەسكەن.
— مىڭداعان جاستىڭ ٶمٸرٸ مەن دەنساۋلىعىنا قاۋٸپ تٶندٸرگەن ارنالاردىڭ جولى توقتاتىلدى. جاستاردى «جەڭٸل اقشا» تۋرالى جالعان ۇسىنىستارعا الدانباۋعا شاقىرامىز. قىلمىستىق توپتار ولاردى تەك «شىعىن ماتەريالى» رەتٸندە پايدالانادى, — دەدٸ ول.
اتالعان فاكتٸلەر بويىنشا قىلمىستىق كودەكستٸڭ 297-بابى 3-بٶلٸگٸمەن سوتقا دەيٸنگٸ تەرگەۋ جٷرگٸزٸلٸپ جاتىر. بارلىق كٷدٸكتٸلەر ۋاقىتشا ۇستاۋ يزولياتورىنا قامالدى.
بۇعان دەيٸن سەمەيدە گاراجىن ەسٸرتكٸ قويماسىنا اينالدىرعان تۇرعىننان 154 كەلٸ ماريحۋانا تەركٸلەنگەن ەدٸ.
