قاراعاندى وبلىسى, بۇقار جىراۋ اۋدانى كٶكپەكتٸ اۋىلىندا سۋ ايدىنىندا قايعىلى وقيعا بولدى. 15 جاستاعى كەمەلەتكە تولماعان قىز بالا سۋعا باتىپ كٶز جۇمدى, دەپ حابارلايدى ult.kz.
الدىن الا مەلٸمەت بويىنشا, بٸر توپ جاسٶسپٸرٸم ەرەسەكتەردٸڭ قاراۋىنسىز ٶزەن جاعاسىندا بولىپ, تىيىم سالىنعانىنا قاراماستان سۋعا تٷسكەن. وسى سەتتە قايعىلى جاعداي ورىن العان.
وقيعا ورنىنا جەتكەن قۇتقارۋشىلار شامامەن 4 مەتر تەرەڭدٸكتەن, جاعادان 20 مەتر قاشىقتىقتا قىز بالانىڭ دەنەسٸن تاپقان.
ايتا كەتەيٸك, بۇل اۋماقتا شومىلۋعا تىيىم سالاتىن بەلگٸ 2 ماۋسىم كٷنٸ ورناتىلعان. سونىمەن قاتار جازعى دەمالىس الدىندا مەكتەپتەردە وقۋشىلارعا سۋداعى قاۋٸپسٸزدٸك ەرەجەلەرٸ بويىنشا تٷسٸندٸرۋ جۇمىستارى جٷرگٸزٸلگەن.
ماماندار سۋداعى قاۋٸپسٸزدٸك تالاپتارىن قاتاڭ ساقتاۋدىڭ ماڭىزىن ەسكەرتەدٸ: تىيىم سالىنعان جەرلەردە شومىلماۋ, بالالاردى قاراۋسىز قالدىرماۋ جەنە ەسكەرتۋ بەلگٸلەرٸنە نازار اۋدارۋ قاجەت.
مۇنداي وقيعالاردىڭ باسىم بٶلٸگٸ دەل وسى ەرەجەلەردٸڭ ساقتالماۋىنان بولاتىنى جيٸ ايتىلادى.
سونداي-اق, اقمولا وبلىسىندا دا بٸر كٷن ٸشٸندە سۋ ايدىندارىندا بالالارعا قاتىستى ەكٸ وقيعا تٸركەلٸپ, سونىڭ بٸرٸندە كەمەلەتكە تولماعان بالا قازا تاپقان ەدٸ.
