بٸز ٶز قاتارىمىزدىڭ, ەسٸرەسە, ونىڭ ٸشٸندەگٸ ٶز ورتامىزدىڭ شىعارماشىلىعى تۋرالى جىلى لەبٸزدٸ دە, قارسى پٸكٸردٸ دە اۆتوردىڭ الدىنا جايىپ سالعان ەمەسپٸز. ەگەرەكي, ٶلەڭ وقىلعاننان سوڭ كٶرسەتٸلەتٸن باس بارماعىمىز-اق ونىڭ باعاسىن كٶرسەتۋٸ مٷمكٸن. بٸراق, بۇل بۇدان ارتىق ەشتەڭە ايتا المايمىن دەگەن سٶز ەمەس جەنە ەلگٸ اۆتور «سەندەر وسىعان باعا بەرٸڭدەر» دەمەيدٸ دە. بٸر-بٸرٸمٸز ٷشٸن – «كلاسسيكپٸز!»
قازۇۋ-دىڭ 17 جاتاقحاناسىندا اقىن كٶپ, دۇرىسى «كلاسسيك» كٶپ! تٶرت-بەس جىلدىڭ كٶلەمٸ بولدى, ٷزٸلٸپ بارىپ, جالعاسىن تاپقان «كلاسسيكتەر لەگٸ» تولاستار ەمەس. اقىندار كەتەدٸ, ٶلەڭدەر قالادى. («اقىن» دەپ باعا بەرگەنٸمە ايىپ ەتپەڭٸز. ەگەر ول دەگەن مۇنشا تالاپتارعا ساي بولۋى كەرەك دەسەڭٸز, اقىن – ەڭ ٷلكەن ٶلشەم ەمەس). ونىمەن قوسا ەدەمٸ ەستەلٸكتەر قالادى. بۇل ەستەلٸكتەر قانشاما جاۋراعان كٶڭٸلدٸ جىلىتاتىنىن دا بٸلٸڭٸز!
اتالعان «كلاسسيكتەردٸڭ» ٸشٸندە دە تۇرسىنبەك بار. ادامدى قىزعاندىراتىن جەنە جيٸ قىزعاندىراتىن دا تۇرسىنبەك. مۇنىسىنا جيٸ جازاتىنى سەپ بولاتىن شىعار دەيمٸز. جيٸ جازۋدىڭ دا بٸرنەشە سەبەپتەرٸ بار – ٶتكەندٸ جيٸ ەسكە الۋ, جيٸ عاشىق بولۋ, جيٸ كٸتاپ وقۋ, ت.ب. تۇرسەكەڭنٸڭ جيٸ جازۋىنا وسىلار قاتتى ارالاساتىن دا بولۋ كەرەك. اقىندى وسىلاردىڭ ٸشٸنەن باسقا قايدان ٸزدەيمٸز?!..
اسىلان تٸلەگەنوۆ
كيٸكقىرىلعان
بۇرىنعى بٸزدٸڭ بابامىز,
قايىرىپ مىڭ قوي ايداعان.
كەشەگٸ بٸزدٸڭ دالامىز,
قىرىندا كيٸك جايلاعان.
اتامىز بٸزدٸڭ باي ەدٸ,
ماماعاشقا ات بايلاعان.
دالامىز بٸزدٸڭ باي ەدٸ,
قىرىندا كيٸك جايلاعان.
...مەيحانادان شىعام دا,
قايىرىپ مىڭ قوي ايدايمىن.
دالاما قاراپ تۇرام دا,
مەن دە سونى ويلايمىن.
كيٸك جوق تا كٷيٸك بار,
جەتٸم دەي بەر تٷزدٸ ەندٸ.
سايتان سۋدان جيٸ ۇرتتار,
كەشٸرٸڭدەر بٸزدٸ ەندٸ. 
***
كٶشەدە ارۋ جىلاپ بارادى,
بۇلاپ بارادى نەلٸكتەن?
كٶكجيەككە ۇزا-اق قارادى,
ٶمٸر مە ونى جەرٸتكەن?!
كٶز جاسى جەرگە تامىپ بارادى,
جانىپ بارادى دەنەسٸ.
كٶز ۇشىندا عايىپ بولادى,
عايىپ بولعانى...
و, نەسٸ?!
ٶتكەن ٶمٸرٸن ويلاپ بارادى,
بويلاپ بارادى ۇيىققا.
بٸر ٸسكە ٶزٸن سايلاپ بارادى,
سايتانى تٷرتٸپ يىقتان.
كٶز جاسى جەرگە تامىپ بارادى,
نالىپ بارادى ٸسٸنە.
دەنەسٸن وت قارىپ بارادى,
ۇياتى كٸرٸپ تٷسٸنە.
كٶشەدە ارۋ جىلاپ بارادى,
قۇلاپ بارادى بيٸكتەن.
باتقان كٷنگە ۇزا-اق قارادى,
ٶمٸردٸ سونشا سٷيٸپ پە ەڭ?! 
پارادوكس
باقىتتىڭ كٶزٸ سوقىر ەكەن,
ۋاقىتتا ۋاقىت جوق ەكەن.
شىندىق ۇيىقتاپ جاتىر ەكەن,
جالعاننىڭ بٷيٸرٸ توق ەكەن.
ايدى كٶردٸم سەۋلە شاشقان,
كٷندٸ كٶردٸم نۇرى جوق.
باتىراشتار بەيگە توسقان,
سٶزدٸ كٶردٸم بٷرٸ جوق.
كٶپتٸ كٶردٸم اداسقان,
توپتى كٶردٸم قاڭعىرعان.
ەپتٸ كٶردٸم تالاسقان,
ايقاي كٶردٸم جاڭعىرعان.
جولدى كٶردٸم جٷرٸلمەگەن,
سولدى كٶردٸم وڭ بولار.
جىلقى كٶردٸم مٸنٸلمەگەن,
نٶلدٸ كٶردٸم مىڭ بولار.
ٶلەڭ كٶردٸم جازىلماعان,
قاعان كٶردٸم قاھارلى.
قەبٸر كٶردٸم قازىلماعان,
كەزٸپ كەتتٸم جاھاندى.
رەترو
بۇل قالا...
باياعىداي...
ٶزگەرمەگەن...
مەن عانا...
ساياق جٷرگەن...
سٶزگە ەرمەگەن.
"التىن" دەيدٸ كەتپەن ساپ كەڭٸردەكتەر,
ٶمٸرٸندە بٸر رەتتە جەز كٶرمەگەن!
ەدٸلدٸكتٸڭ اۋىلى كٶشكەن تٶرەم,
كٸل پىسىق باسقا شاۋىپ, تٶسكە ٶرلەگەن.
مەسقارىندار مۇندا دا ٸشٸپ جاتىر,
ٶمٸرٸندە بٸر رەتتە اس كٶرمەگەن!
ٷشبۋ حاتتى جولدادىم...
تٶرەم دەدٸم!
كٶنە عاسىر قايتا اينالىپ كەلەر مە ەدٸ!
قىپشاق قىلىش اسىنىپ تٶلەڭگٸتٸڭ,
ازبان مٸنٸپ جانىڭدا جٷرەر مە ەدٸ.
"بٸر ٶزگەرٸس بولادى قارا دا تۇر ",
ٶزٸمدٸ الداپ...
كٷز اۋىپ بارا جاتىر.
سارىارقانىڭ جەلٸندەي بۇزىپ-جارىپ,
بٸر جارىلىس بولادى سانادا اقىر.
بۇل قالا, باياعىداي...
ەسكٸرمەگەن...
سەل عانا بوياۋ وڭعان كٶكشٸل كٷننەن.
ٷشبۋ حاتتى جولدادىم جولدارمەنەن,
ٶمٸرٸمدە دەل سەندەي دوس كٶرمەگەم. 
***
بوقىراۋدا بوتا-جٷرەك بوزدادىڭ,
ٶشٸپ قالعان وتتى نەگە قوزعادىڭ?!
عاشىق بولعان, ٶلەڭ جازعان باسقا ادام,
مەن ەشتەڭە جازبادىم.
مىنا ٶمٸر باراتقاندا سۇيىلىپ,
قييالىمنان سىعالايسىڭ قيىلىپ.
سەن دە ٶتەسٸڭ, مەن دە ٶتەمٸن ٶمٸردەن,
ٶلەڭ قالار جىميىپ...
قاراشىقتا قاراشا تۇر قالتىراپ,
مىنا ەلەم نەمەنەگە جىلتىراق?!!!
ول دا ٶتەدٸ...
بەرٸ ٶتەدٸ ٶمٸردەن,
شىندىق قالار شىرقىراپ!
نەمەنەگە ەسٸمە الام ٶتكەندٸ,
نەمەنەگە ايتا بەرەم ٶكپەمدٸ.
تانىمايمىز بٸرٸمٸزدٸ بٸرٸمٸز,
سەن دە مەنٸ سٶكپە ەندٸ.
بوقىراۋدا بوتا جٷرەك بوزدادىڭ,
سٶنٸپ قالعان قولامتانى قوزعادىڭ.
عاشىق بولعان, ٶلەڭ جازعان...
ول ەدٸ...
مەن ەشتەڭە جازبادىم.
مەتامورفوزا
دٷنيە ٶزگەرمەستەي كٶرٸنەدٸ,
ٶزگەرتەدٸ ەرتەڭ-اق سەنٸ...
مەنٸ...
ٶز ەسٸمٸڭ ٶزگەگە بەرٸلەدٸ,
ٶز مەنشٸگٸڭ ٶزگەگە تەلٸنەدٸ.
بٸر ساپارعا تاعى دا اتتاناسىڭ,
تۋعانىڭا كەزٸ كەپ جات بولاسىڭ.
بٸرەۋلەردٸڭ ەسٸنەن ٶشٸپ كەتٸپ,
ٶزگەلەردٸڭ جٷرەگٸندە جاتتالاسىڭ.
باسقا تاڭدى تاعى دا اتىراسىڭ,
باسقا كٷندٸ تاعى دا باتىراسىڭ.
انا باقتا سەرۋەندەپ جٷرەسٸڭ دە,
مىنا باقتا قامىعىپ وتىراسىڭ.
كٷن ەسكٸرەر,
اي ەسكٸرەر,
جىل ەسكٸرەر,
جەر ەسكٸرەر, جەرمەن بٸرگە ەل ەسكٸرەر.
ٶزٸڭ, سٶزٸڭ ٶزگەگە اينالادى,
ٶمٸر ٶزٸ سەتٸندە كٶمەسكٸلەر.
ۋاقىت دەگەن جەلدٸرٸپ جەلماياسىن,
ول دا شٸركٸن, وپاسىز كٸمدٸ اياسىن.
بەرٸ ٶزگەرەر...
مەڭگٸلٸك نە بار دەيسٸڭ?!
نەسٸن, قارعام, ەندەشە مۇڭاياسىڭ!
