قازاق حالقىنىڭ ۇلى اقىنى ابايدىڭ 175 جىلدىق مەرەيتويىن قازاقستانمەن بٸرگە باۋىرلاس ەلدەر دە اتاپ ٶتۋدە. مەرەيتوي اياسىندا تٷركييالىق ەنشٸ ايبەن ەرسوي ابايدىڭ ەنٸن شىرقاپ, كليپ تٷسٸردٸ, دەپ حابارلايدى قازاقپارات.
«بيىلعى ماۋسىم ايىندا قازاقستاننىڭ استاناسىندا قازاق دوستارىمىزدىڭ ۇلى اقىنى ابايدىڭ 175 جىلدىعى قۇرمەتٸنە فەستيۆال ۇيىمداستىرۋ جوسپارلانعان ەدٸ. شارت بويىنشا, ەربٸر ەلدەن كەلگەن قاتىسۋشىلار ۇلى اقىننىڭ بٸر ەنٸن شىرقاۋى كەرەك ەدٸ. بٸز دە ابايدىڭ «كٶزٸمنٸڭ قاراسى» اتتى تۋىندىسىن زاماناۋي ارانجيروۆكادا ەزٸرلەدٸك. ٶتكەن اپتادا ىستانبۇلدىڭ ەڭ كٶرٸكتٸ جەرلەرٸنٸڭ بٸرٸ – سۇلتان احمەت مەشٸتٸ ماڭىندا كليپ تٷسٸردٸك. ٶكٸنٸشكە قاراي, قاۋٸپتٸ ۆيرۋستىڭ تارالۋىنا بايلانىستى بۇل جوبا توقتاتىلدى. الايدا بٸز باستاعان ٸسٸمٸزدٸ اياقتاپ, تۋىندىنى سٸزدەرمەن بٶلٸسۋدٸ جٶن كٶردٸك», - دەپ جازدى تٷركييالىق ەنشٸ Instagram-داعى پاراقشاسىندا.
سونىمەن بٸرگە, ەنشٸ قازاقپارات تٸلشٸسٸنە بەرگەن سۇحباتىندا قازاق ەنٸمەن قالاي تانىسقانىن ايتىپ بەردٸ.
«قازاقستانعا تٷرلٸ جوبالار بويىنشا بٸرنەشە رەت بارعانمىن. Qazaqstan ارناسى ٶتكٸزگەن «Silk Way Star» بايقاۋىنىڭ قازىلار القاسىنا مٷشە بولدىم. بۇل كەرەمەت جوبا بولدى. وندا تەك كامەرا الدىندا عانا ەمەس, ساحنا سىرتىندا دا باۋىرلارىممەن ۇمىتىلماس سەتتەر ٶتكٸزدٸم. سول كەزدەرٸ قازاق مۋزىكاسىن ەستٸپ, بٸزدٸڭ حالىق ەندەرٸمەن ۇقساس ەكەنٸن اڭعاردىم. قازاق مۋزىكاسىمەن تانىسقان كٷنٸ ەكٸ حالىققا دا وسى سەزٸمدٸ جەتكٸزٸپ, ەرتەدەن ۇلان-عايىر اۋماقتا تامىرىمىزدىڭ ورتاق بولعانىن ەسكە سالعىم كەلدٸ. «كٶزٸمنٸڭ قاراسى» دا العاش ەستٸگەن سەتتە-اق جٷرەگٸمە جەتتٸ. باستاپقىدا سٶزدەردٸ تٷسٸنبەسەم دە, ەننٸڭ نە تۋرالى ەكەنٸن سەزٸنگەندەيمٸن. سوندىقتان مەن ٷشٸن ابايدىڭ وسى ەنٸنٸڭ ورنى بٶلەك», - دەدٸ ا. ەرسوي.
قازٸر ايبەن حانىم قازاقستان سىندى ٶزگە دە باۋىرلاس حالىقتاردىڭ ۇلتتىق ەندەرٸمەن تانىسۋعا مٷمكٸندٸك بەرەتٸن جوبالاردى جوسپارلاپ جٷر.
«بٸزدٸڭ ەلەم اينالامىزداعى نەرسەنٸ تەز ٶزگەرتٸپ جاتقانىنا قاراماستان, بٸزدٸڭ ٸشٸمٸزدە ٶتە قۇندى نەگٸز بار. بٸز – كٷن سايىن ٶزٸمٸزدٸ جاڭا دەڭگەيگە كٶتەرەتٸپ, ٷزدٸكسٸز داميتىن جاراتىلىسپىز جەنە كٷن سايىن ٶزٸمٸزدٸ جاڭا قىرىمىزدان تانيمىز. جاڭا باعىتقا ۇمتىلا وتىرىپ, بٸز اباي سيياقتى قۇندى نەگٸزدەردٸ بولاشاققا جەتكٸزۋٸمٸز كەرەك. اباي سىندى تۇلعالار ەلەمدٸ جاقسىلىققا باستاۋ ٷشٸن تۋادى. ەلەمدەگٸ بەيبٸتشٸلٸك پەن ماحاببات ٷشٸن ۇلى اقىننىڭ مەرەيتويىمەن قۇتتىقتايمىن», - دەدٸ ايبەن ەرسوي.
