مەملەكەت باسشىسى قاسىم-جومارت توقاەۆ جوعارى اۋديتورلىق پالاتانىڭ تٶراعاسى ەليحان سمايىلوۆتى قابىلدادى. كەزدەسۋدە قورعانىس مينيسترلٸگٸندەگٸ بيۋدجەت قاراجاتىنىڭ تيٸمدٸ جۇمسالۋىنا قاتىستى جوسپاردان تىس جٷرگٸزٸلٸپ جاتقان اۋديتتٸڭ بارىسى تالقىلاندى, دەپ حابارلايدى ult.kz.
50 نىسان تەكسەرٸلەدٸ
ەليحان سمايىلوۆتىڭ ايتۋىنشا, اۋقىمدى اۋديت 50 نىساندى, ونىڭ ٸشٸندە 48 ەسكەري بٶلٸمدٸ قامتيدى.
تەكسەرۋ ٷشٸن مەملەكەتتٸك اۋديت جٷيەسٸنٸڭ جەتەكشٸ ماماندارىنان, سونداي-اق IT جەنە بايلانىس سالاسىنىڭ ساراپشىلارىنان ارنايى توپ قۇرىلعان.
اۋديت بارىسىندا قارۋلى كٷشتەر قىزمەتٸنٸڭ نەگٸزگٸ باعىتتارى بويىنشا جاعدايعا باعا بەرٸلەدٸ.
اتاپ ايتقاندا:
- ەسكەري بٶلٸمدەردٸڭ ماتەريالدىق-تەحنيكالىق قامتاماسىز ەتٸلۋٸ;
- ەسكەري قىزمەتشٸلەردٸڭ دايارلىعى;
- وقۋ-جاتتىعۋلاردىڭ ٶتكٸزٸلۋٸ;
- ەسكەري ينفراقۇرىلىمنىڭ دامۋى;
- قارۋ-جاراق پەن ەسكەري تەحنيكانىڭ جاڭعىرتىلۋى;
- تسيفرلىق جٷيەلەردٸڭ جۇمىس ٸستەۋٸ تەكسەرٸلەدٸ.
قورعانىس سالاسىنداعى مەملەكەتتٸك تاپسىرىس تا تەكسەرٸلگەن
پرەزيدەنتكە قورعانىس سالاسىنداعى مەملەكەتتٸك تاپسىرىسقا جٷرگٸزٸلگەن اۋديتتٸڭ نەتيجەلەرٸ دە تانىستىرىلدى.
تەكسەرۋ قورىتىندىسى بويىنشا انىقتالعان زاڭ بۇزۋشىلىقتاردى جويۋ ٷشٸن ٷكٸمەت پەن سالالىق مەملەكەتتٸك ورگاندارعا 57 ناقتى ۇسىنىم مەن تاپسىرما جولدانعان.
سونىمەن قاتار ەليحان سمايىلوۆ ەكونوميكالىق دامۋ مەن ەلەۋمەتتٸك سالانىڭ باسىم باعىتتارىن قامتيتىن جوسپارلى اۋديتورلىق تەكسەرٸستەردٸڭ بارىسى تۋرالى باياندادى.
كەزدەسۋدە استانادا ٶتكەن ازييا جوعارى اۋديت ورگاندارى ۇيىمى باسقارما كەڭەسٸنٸڭ 63-وتىرىسىنىڭ قورىتىندىسى دا ايتىلدى. وعان 19 ەلدٸڭ ٶكٸلدەرٸ قاتىستى. مۇنداي فورماتتاعى جيىن قازاقستاندا العاش رەت ٶتكٸزٸلگەن.
كەزدەسۋ سوڭىندا قاسىم-جومارت توقاەۆ قورعانىس مينيسترلٸگٸندەگٸ اۋديتتٸ جٷرگٸزۋگە جەنە مەملەكەتتٸك اۋديت جٷيەسٸن ودان ەرٸ جەتٸلدٸرۋگە قاتىستى بٸرقاتار ناقتى تاپسىرما بەردٸ.
