قازاقستانعا تٷركييادان جالپى سالماعى 11 توننادان استام گۋمانيتارلىق جٷك جەتكٸزٸلدٸ, دەپ حابارلايدى "ۇلت اقپارات" «حابار 24» ارناسىنا سٸلتەمە جاساپ.
«قازاقستان ٷكٸمەتٸنٸڭ ارنايى جٸبەرگەن ۇشاعى تٷركييا رەسپۋبليكاسىنان گۋمانيتارلىق كٶمەك الىپ قايتتى. «ايدىڭ نۇرى» قورى, انكارا شاھارى مۋنيتسيپاليتەتٸ, قوجا احمەت ياساۋي ۋنيۆەرسيتەتٸ تٷركييا تٷلەكتەرٸ بٸرلەستٸگٸ مەن وسى ەلدەگٸ قازاق دياسپوراسىنىڭ جيناعان كٶمەگٸ دە وسى كٶلٸككە تيەلدٸ. جٷك سالماعىنا كەلسەك, مىسالى بٸر عانا تٷرٸك ٷكٸمەتٸنٸڭ جٸبەرگەن جٷگٸنٸڭ قۇرامىندا ٶكپەنٸ جاساندى جەلدەتۋگە ارنالعان 30 اپپارات, پتر-تالداۋعا ارنالعان 2 جابدىق, 200 مىڭنان استام مەديتسينالىق پرەپاراتتار مەن بۇيىمدار بار», - دەلٸنگەن اقپاراتتا.
مەلٸم ەتٸلگەندەي, بۇل كٶمەك ٷكٸمەتارالىق ٶزارا تٷسٸنٸستٸك مەموراندۋمى اياسىندا تەگٸن تارتۋ ەتٸلدٸ.
«قازاقستاننىڭ COVİD-19 ٸندەتٸمەن كٷرەسٸ نەتيجە بەرەدٸ دەپ سەنەمٸز. ماماندارعا كٷش-قۋات بەرسٸن, ناۋقاستارعا شيپا بولسىن. تٷركييا ەرقاشان قازاقستانمەن بٸرگە. سونداي-اق بۇل كٶمەك وسى ۋاقىتقا دەيٸن شەتەلگە جٸبەرٸلگەن ەڭ اۋقىمدى كٶمەك ەكەنٸن ايتا كەتكٸم كەلەدٸ. گۋمانيتارلىق جەردەم 6 شٸلدەدە ەردوعاننىڭ ەلباسى نۇرسۇلتان نازارباەۆپەن تەلەفون ارقىلى سٶيلەسكەننەن كەيٸن بەرگەن تاپسىرماسىنا ساي ۇيىمداستىرىلىپ وتىر», - دەيدٸ تٷركييا سىرتقى ٸستەر مينيسترٸنٸڭ ورىنباسارى ياۆۋز سەليم كىران.
تٷركيياداعى قانداستارىمىز دا اتاجۇرتتاعى جاعدايعا الاڭداپ, جەردەم بەرۋگە ۇمتىلدى. ونى ەۋروپاداعى وتانداستارىمىز دا قولداپ, بٸر جاعادان باس, بٸر جەڭنەن قول شىعاردى.
«شەت ەلدە ٶمٸر سٷرسەك تە, جٷرەگٸمٸز ەرقاشان وتان دەپ سوعادى. قىسىلتاياڭ كەزەڭدە بٸر-بٸرٸمٸزگە دەمەۋ بولۋ – بٸز ٷشٸن بورىش. بٸر اپتا ٸشٸندە شامامەن 1 تونناعا جۋىق مەديتسينالىق كٶمەك جينادىق. ونى «وتانداستار» قورى, قاجەتتٸ ازاماتتارعا تارقاتادى, - دەدٸ كاتەاد بٸرلەستٸگٸنٸڭ تٶراعاسى ەرتولقىن گايرەتۋللا.
سونداي- اق قوجا احمەت ياساۋي ۋنيۆەرسيتەتٸ تٷركييا تٷلەكتەرٸ دە بٸلٸم العان ەلٸن ۇمىتپاي, قازاقستان ەلشٸلٸگٸنە 28 وتتەگٸ كونتسەنتراتىن تابىستادى.
«كەنەتتەن كەلگەن كەسەلدٸڭ كەرٸ ەسەرٸ تٶرتكٷل دٷنيەگە قاتتى تيدٸ. قازاقستاننىڭ نانىن جەدٸك, سۋىن ٸشتٸك. كٶمەك كەزەك بٸزدە. بۇل جيھازداردان بٶلەك, ياسساۋي ۋنيۆەرسيتەتٸن تەمامداعان دەرٸگەرلەردٸ جٸبەرسەك دەيمٸز», - دەپ اتاپ ٶتتٸ ياسساۋي ۋنيۆەرسيتەتٸ تٷلەگٸ مٷرات دەميرەز.
بۇدان بٶلەك, گۋمانيتارلىق كٶمەكتٸڭ قۇرامىندا «ايدىڭ نۇرى» قورىنىڭ 135 دانا وتتەگٸ كونتسەنتراتورى دا بار. اپپاراتتار وسى رەيسپەن جەتكٸزۋ ٷشٸن ارنايى ىستانبۇلدان انكاراعا ەكەلٸندٸ.
