.jpg)
سۋرەت: ۋنيۆەرسيتەت سايتىنان
بۇدان بٶلەك قازاقستان كورەيانىڭ ەڭ مىقتى زەرتتەۋشٸ ۋنيۆەرسيتەتٸمەن ارنايى مەموراندۋمعا قول قويدى. بۇل تۋرالى عىلىم جەنە جوعارى بٸلٸم مينيسترٸ ساياسات نۇربەك اقوردا كۋلۋارىندا ايتتى, دەپ حابارلايدى "ۇلت اقپارات" inbusiness.kz سايتىنا سٸلتەمە جاساپ.
"وڭتٷستٸك كورەيا پرەزيدەنتٸنٸڭ ساپارىنىڭ اياسىندا بٸلٸم جەنە عىلىم سالاسىندا ٶتە جاقسى جاڭالىقتارمەن, سٷيٸنشٸمەن بٶلٸسكٸم كەلەدٸ. كەشە كورەيانىڭ عىلىم جەنە اقپاراتتىق تەحنولوگييالار مينيسترٸمەن KAIST – كورەيانىڭ ەڭ مىقتى زەرتتەۋشٸ ۋنيۆەرسيتەتٸمەن ارنايى مەموراندۋمعا قول قويدىق. ەندٸ كورەيا ٷكٸمەتٸنٸڭ, KAIST ۋنيۆەرسيتەتٸنٸڭ كٶمەگٸمەن قازاقستاندا KAIST-قازاقستان دەگەن مىقتى حالىقارالىق دەڭگەيدەگٸ زەرتتەۋشٸ ۋنيۆەرسيتەت پايدا بولادى. كورەيا تاراپى تولىققاندى ٶزٸنٸڭ ٸشكٸ باعدارلامالارى مەن اكادەمييالىق مازمۇنىمەن تەگٸن بٶلٸسۋگە دايىن. KAIST-تىڭ بۇرىنعى پرەزيدەنتٸ كەلٸپ, بٸزگە كٶمەكتەسۋگە دايىن. بۇل ٶتە جاقسى جاڭالىق, نەگە دەسەڭٸز, KAIST 1971 جىلى ستەنفورد ۋنيۆەرسيتەتٸنٸڭ كٶمەگٸمەن اياققا تۇرعان بولاتىن", - دەدٸ مينيستر تٸلشٸلەردٸڭ ساۋالىنا بەرگەن جاۋابىندا.
سٶزٸنشە, KAIST – ازيياداعى ەڭ مىقتى زەرتتەۋشٸ ۋنيۆەرسيتەتتەردٸڭ بٸرٸ. ۋنيۆەرسيتەت Phd جەنە ماگيستراتۋرا باعدارلامالارىمەن جۇمىس ٸستەيدٸ.
"بٷگٸن كورەيا ٷكٸمەتٸ مەن بٸزدٸڭ مينيسترلٸكتٸڭ اراسىندا ارنايى كەلٸسٸمشارتقا قول قويىلادى. ەندٸ بٸزدٸڭ زەرتتەۋشٸلەرٸمٸزگە كورەيانىڭ ەڭ مىقتى ۋنيۆەرسيتەتتەرٸندە جەنە زەرتحانالارىندا وقۋعا, تاعىلىمدامادان ٶتۋگە, زەرتتەۋلەرمەن اينالىسۋعا مٷمكٸندٸك بەرٸلەدٸ. بۇل "بولاشاق" جەنە باسقا دا باعدارلامالاردىڭ اياسىندا جٷزەگە اسىرىلادى. تاعى دا ەكٸ كەلٸسٸم شارتقا قول قويىلادى. بٸرٸنشٸسٸ – SeoulTech كورەيانىڭ ۇلتتىق عىلىمي-تەحنيكالىق ۋنيۆەرسيتەتٸ قورقىت اتا ۋنيۆەرسيتەتٸ نەگٸزٸندە بٸرٸنشٸ جاساندى ينتەللەكت مەكتەبٸ اشىلادى. كيبەرقاۋٸپسٸزدٸك, جاساندى ينتەللەكت جەنە كومپيۋتەرلٸك ينجەنەرييا سەكٸلدٸ ٷش باعدارلامامەن باستايمىز. ستۋدەنتتەر كەرٸس جەنە اعىلشىن تٸلٸندە وقيدى. ٷش جىل قازاقستاندا, بٸر جىل كورەيادا, ەكٸ ديپلوممەن شىعادى", - دەدٸ ۆەدومستۆو باسشىسى.
كەلەسٸ جىلى تٷركٸستان قالاسىندا Woosong جەكە مەنشٸك ۋنيۆەرسيتەتٸنٸڭ فيليالى اشىلادى.
"Woosong ۋنيۆەرسيتەتٸنٸڭ قازاقستاندىق تٷلەكتەرٸنە كورەياعا تٸكەلەي بارىپ جۇمىس ٸستەۋگە مٷمكٸندٸگٸ بولادى. جۇمىس ۆيزالارى رەسمي تٷردە بەرٸلەدٸ", - دەدٸ ساياسات نۇربەك.
