تٷركٸستان وبلىسىندا قىمبات كٶلٸكتەردٸ ۇرلاپ, ونى ەلٸمٸزدٸڭ ٷش ٶڭٸرٸنە ساتىپ كەلگەن قىلمىستىق توپ ۇستالدى. تەرگەۋ بارىسىندا تٶرت ادامنان قۇرالعان توپتىڭ 5 كٶلٸكتٸ ۇرلاعانى انىقتالدى, دەپ حابارلايدى "ۇلت اقپارات".
قىلمىستىق توپتىڭ مٷشەلەرٸ ەكٸ كٶلٸكتٸ اقتٶبە قالاسىندا قولدى ەتسە, قالعان ٷشەۋٸن تٷركٸستان مەن قىزىلوردا وبلىستارىندا ايداپ كەتكەن. ال, كٶلٸكتەردٸڭ ەسٸگٸن اشۋ ٷشٸن ارنايى باعاسى 5 ميلليون تەڭگە تۇراتىن قۇرىلعىنى پايدالانعان. تەرتٸپ ساقشىلارى ۇرلانعان 4 كٶلٸكتٸ اقتٶبە وبلىسىنىڭ تۇرعىندارى ارزان باعادا ساتىپ العانىن انىقتادى. ولاردى جەدەل ۋەكٸلدەر شىمكەنت قالاسى مەن اقتٶبە جەنە قوستاناي وبلىستارىندا ۇستادى. ال بٸر ساتىپ الۋشىعا قاتىستى ٸزدەۋ جارييالانعان.
«شىمكەنت قالاسىندا پوليتسەيلەر ۇرلانعان «تويوتا كامري-55« اۆتوكٶلٸگٸن تەركٸلەدٸ. ونى كٷدٸكتٸلەر 4 ميلليون تەڭگەگە ساتىپ ٷلگەرگەن جەنە ۇرلانعان اۆتوكٶلٸكتٸڭ ەسٸگٸن اشقان ەلەكتروندى سكانەر اپپاراتى دا ايعاقتى زات رەتٸندە الىندى.تٷركٸستان قالالىق پوليتسييا باسقارماسىنا جەرگٸلٸكتٸ تۇرعىن بەلگٸسٸز تۇلعالاردىڭ ونىڭ «تويوتا كامري-55« ماركالى اۆتوكٶلٸگٸن ۇرلاپ كەتكەنٸ تۋرالى ارىزدانعان. ارنايى جٷرگٸزٸلگەن وپەراتسييا نەتيجەسٸندە بٸزدٸڭ جەدەل ۋەكٸلدەر 4 كٷدٸكتٸنٸ ۇستادى. ولاردىڭ تٶرتەۋٸ اقتٶبە وبلىسىنىڭ تۇرعىندارى, ونىڭ ٸشٸندە ەكەۋٸ دەسترۋكتيۆتٸ دٸني اعىمنىڭ مٷشەلەرٸ بولىپ شىقتى. ۇستالعانداردىڭ ٷشەۋٸ بۇرىن قاراقشىلىق جەنە قارۋ ساقتاعانى ٷشٸن سوتتالعان. كٷدٸكتٸلەر قاماۋعا الىندى. تەرگەۋ بارىسىندا قىلمىستىق توپ مٷشەلەرٸنٸڭ الدىن-الا جوسپارلانعان سىزبا بويىنشا, ەرقايسىسى ٶز رٶلٸن سومداۋ ارقىلى ەرەكەت ەتكەنٸ انىقتالدى. كٷدٸكتٸلەر قۇنى 10 ميلليون تەڭگەدەن اساتىن اۆتوكٶلٸكتەردٸ ارنايى سكانەرلەۋ قۇرىلعىسىنىڭ كٶمەگٸمەن اشقان. ولار اۆتوكٶلٸك يەلەرٸن باقىلاپ, ەسٸكتەرٸن اشقان كەزدە ەلەكتروندى قۇلىپتاردى سكانەرلەگەن. سەزٸكتٸلەر قىمبات كٶلٸككە قول جەتكٸزگەننەن كەيٸن, ولاردى تۇراقتان نەمەسە كٶشەلەردەن ۇرلاپ, ايداپ ەكەتكەن», - دەيدٸ تٷركٸستان وبلىستىق پد باستىعىنىڭ ورىنباسارى قۇرمانبەك ساحوۆ.
قازٸرگٸ ۋاقىتتا سوتقا دەيٸنگٸ تەرگەۋ جۇمىستارى جالعاسۋدا. سونداي-اق كٷدٸكتٸلەردٸڭ باسقا دا وسىنداي قىلمىستارعا قاتىسى بار-جوعى انىقتالۋدا
