Túrkistan oblysynda qymbat kólikterdi urlap, ony elimizdiń úsh óńirine satyp kelgen qylmystyq top ustaldy. Tergeý barysynda tórt adamnan quralǵan toptyń 5 kólikti urlaǵany anyqtaldy, dep habarlaidy "Ult aqparat".
Qylmystyq toptyń músheleri eki kólikti Aqtóbe qalasynda qoldy etse, qalǵan úsheýin Túrkistan men Qyzylorda oblystarynda aidap ketken. Al, kólikterdiń esigin ashý úshin arnaiy baǵasy 5 million teńge turatyn qurylǵyny paidalanǵan. Tártip saqshylary urlanǵan 4 kólikti Aqtóbe oblysynyń turǵyndary arzan baǵada satyp alǵanyn anyqtady. Olardy jedel ýákilder Shymkent qalasy men Aqtóbe jáne Qostanai oblystarynda ustady. Al bir satyp alýshyǵa qatysty izdeý jariialanǵan.
«Shymkent qalasynda politseiler urlanǵan «Toiota Kamri-55« avtokóligin tárkiledi. Ony kúdiktiler 4 million teńgege satyp úlgergen jáne urlanǵan avtokóliktiń esigin ashqan elektrondy skaner apparaty da aiǵaqty zat retinde alyndy.Túrkistan qalalyq politsiia basqarmasyna jergilikti turǵyn belgisiz tulǵalardyń onyń «Toiota Kamri-55« markaly avtokóligin urlap ketkeni týraly aryzdanǵan. Arnaiy júrgizilgen operatsiia nátijesinde bizdiń jedel ýákilder 4 kúdiktini ustady. Olardyń tórteýi Aqtóbe oblysynyń turǵyndary, onyń ishinde ekeýi destrýktivti dini aǵymnyń músheleri bolyp shyqty. Ustalǵandardyń úsheýi buryn qaraqshylyq jáne qarý saqtaǵany úshin sottalǵan. Kúdiktiler qamaýǵa alyndy. Tergeý barysynda qylmystyq top músheleriniń aldyn-ala josparlanǵan syzba boiynsha, árqaisysy óz rólin somdaý arqyly áreket etkeni anyqtaldy. Kúdiktiler quny 10 million teńgeden asatyn avtokólikterdi arnaiy skanerleý qurylǵysynyń kómegimen ashqan. Olar avtokólik ielerin baqylap, esikterin ashqan kezde elektrondy qulyptardy skanerlegen. Seziktiler qymbat kólikke qol jetkizgennen keiin, olardy turaqtan nemese kóshelerden urlap, aidap áketken», - deidi Túrkistan oblystyq PD bastyǵynyń orynbasary Qurmanbek Sahov.
Qazirgi ýaqytta sotqa deiingi tergeý jumystary jalǵasýda. Sondai-aq kúdiktilerdiń basqa da osyndai qylmystarǵa qatysy bar-joǵy anyqtalýda
