ەكٸ اپتادا 23 ادامعا قاتىستى 17 ايىپتاۋ ٷكٸمٸ شىعارىلدى. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸ 1-شٸ دەپارتامەنتٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بيعايداروۆ مەلٸم ەتتٸ, دەپ حابارلايدى قازاقپارات.
«ەكٸ اپتا ٸشٸندە سىبايلاس جەمقورلىققا قارسى قىزمەتپەن بۇرىن اياقتالعان قىلمىستىق ٸستەر بويىنشا 23 ادامعا قاتىستى 17 ايىپتاۋ ٷكٸمٸ شىعارىلدى, ولاردىڭ 15-ٸ ەرتٷرلٸ دەڭگەيدەگٸ باسشىلار. باس بوستاندىعىنان 7 ادام ايىرىلدى, بەسەۋٸنٸڭ باس بوستاندىعى شەكتەلدٸ, ەسەلٸك ايىپپۇل سوماسى 80 ملن تەڭگەدەن استام ەسەلٸك ايىپپۇلدارعا 10 ادام تارتىلدى. سونىمەن قاتار, جىمقىرۋ فاكتٸلەرٸ بويىنشا - 4, الاياقتىق ٷشٸن – 3, پارا بەرگەنٸ ٷشٸن - 3, پارا العانى ٷشٸن – 10 جەنە قۇجاتتاردى بۇرمالاعانى ٷشٸن 2 ادام جازاعا تارتىلدى», - دەدٸ د. بيعايداروۆ Facebook پاراقشاسىندا ٶتكەن ونلاين بريفينگٸدە.
ونىڭ سٶزٸنە قاراعاندا, 27 قازاندا شىمكەنت قالاسى قاراتاۋ اۋداندىق سوتىنىڭ ٷكٸمٸمەن تٷركٸستان وبلىستىق سوتىنىڭ ازاماتتىق ٸستەر جٶنٸندەگٸ القا تٶراعاسى بەكٸمبەتوۆ 5 جىل مەرزٸمگە باس بوستاندىعىنان ايىرىلدى.
«وسى ٷكٸممەن «ازييا ستروي» جك بانكروتتىق باسقارۋشىسى ەرەجەپوۆ 2 جىل 6 اي مەرزٸمگە باس بوستاندىعىنان ايىرىلدى. بەكٸمبەتوۆ ەرەجەپوۆتەن جەكە كەسٸپكەردٸڭ قورىتىندى ەسەبٸ مەن تاراتۋ تەڭگەرٸمٸن بەكٸتۋ تۋرالى سوت ۇيعارىمىن ورىنداۋدى كەيٸنگە قالدىرۋ تۋرالى ازاماتتىق ٸس بويىنشا وڭ شەشٸم شىعارعانى ٷشٸن 300 مىڭ تەڭگە سوماسىندا پارا الۋ كٷدٸگٸنە ٸلٸندٸ», - دەدٸ اگەنتتٸك ٶكٸلٸ.
