فوتو: اشىق دەرەككٶز
بٷگٸن قازاقستاندا سپورت كٷنٸ اتاپ ٶتٸلٸپ جاتىر. وسىعان وراي تۋريزم جەنە سپورت مينيسترٸ ەربول مىرزابوسىنوۆ ەل تۇرعىندارىن قۇتتىقتاپ, مەرەكەنٸڭ مەن-ماڭىزىنا توقتالدى, دەپ حابارلايدى Ult.kz.
«قۇرمەتتٸ قازاقستاندىقتار! سٸزدەردٸ شىن جٷرەكتەن سپورت كٷنٸمەن قۇتتىقتايمىن! بۇل مەرەكەنٸڭ باستى ماقساتى – سالاۋاتتى ٶمٸر سالتىن ناسيحاتتاۋ, بۇقارالىق سپورتتى دامىتۋ جەنە حالقىمىزدىڭ دەنساۋلىعىن نىعايتۋ», – دەدٸ مينيستر.
ونىڭ ايتۋىنشا, سپورت تەك قانا دەنە شىنىقتىرۋ ەمەس, ول – ەرٸك-جٸگەردٸڭ, ماقساتكەرلٸكتٸڭ, بٸرلٸكتٸڭ جەنە دوستىقتىڭ سيمۆولى.
ەربول مىرزابوسىنوۆ مەملەكەت باسشىسى قاسىم-جومارت توقاەۆتىڭ باستاماسىمەن ەلٸمٸزدە سپورت ينفراقۇرىلىمى جىل سايىن كەڭەيٸپ كەلە جاتقانىن اتاپ ٶتتٸ. جاڭا سپورت نىساندارى ايماقتاردا اشىلىپ, قازاقستاندىق سپورتشىلار حالىقارالىق ارەنالاردا تابىستى ٶنەر كٶرسەتۋدە.
بيىل دەنە شىنىقتىرۋ جەنە سپورت سالاسىن دامىتۋعا قاتىستى زاڭناماعا دا ەلەۋلٸ ٶزگەرٸستەر ەنگٸزٸلدٸ. ولار سپورتشىلاردىڭ ەلەمدٸك دەڭگەيدەگٸ بەسەكەگە قابٸلەتتٸلٸگٸن ارتتىرۋعا, پاراسپورتتى قولداۋعا, بيۋدجەتتٸ وڭتايلاندىرۋعا جەنە قاراجاتتى ۇلتتىق, بالالار مەن بۇقارالىق سپورتتى دامىتۋعا باعىتتالعان.
مينيستر جىل باسىنان بەرٸ قازاقستاندا كٶپتەگەن حالىقارالىق جارىستار ٶتكەنٸن, ولاردىڭ ۇيىمداستىرىلۋى ەلٸمٸزدٸڭ سپورتتىق ينفراقۇرىلىمىنىڭ زاماناۋي تالاپتارعا ساي ەكەنٸن دەلەلدەيتٸنٸن ايتتى. سونىمەن بٸرگە بيىل عانا ەلٸمٸزگە جيىرماعا جۋىق حالىقارالىق سپورت ۇيىمىنىڭ ٶكٸلدەرٸ كەلگەنٸن, ولاردىڭ جارتىسىن مەملەكەت باسشىسى قابىلداعانىن جەتكٸزدٸ. بۇل قازاقستاننىڭ سپورت سالاسىنداعى بەدەلٸنٸڭ ارتىپ كەلە جاتقانىن كٶرسەتەدٸ.
«بارشاڭىزدى وسى مەرەكەمەن قۇتتىقتاي وتىرىپ, مىقتى دەنساۋلىق, كٶتەرٸڭكٸ كٶڭٸل-كٷي جەنە جاڭا جەتٸستٸكتەر تٸلەيمٸن. سپورتپەن اينالىسىپ, بەلسەندٸ ٶمٸر سالتىن ۇستانىڭىزدار!» – دەدٸ ەربول مىرزابوسىنوۆ.
