Foto: ashyq derekkóz
Búgin Qazaqstanda Sport kúni atap ótilip jatyr. Osyǵan orai Týrizm jáne sport ministri Erbol Myrzabosynov el turǵyndaryn quttyqtap, merekeniń mán-mańyzyna toqtaldy, dep habarlaidy Ult.kz.
«Qurmetti qazaqstandyqtar! Sizderdi shyn júrekten Sport kúnimen quttyqtaimyn! Bul merekeniń basty maqsaty – salaýatty ómir saltyn nasihattaý, buqaralyq sportty damytý jáne halqymyzdyń densaýlyǵyn nyǵaitý», – dedi ministr.
Onyń aitýynsha, sport tek qana dene shynyqtyrý emes, ol – erik-jigerdiń, maqsatkerliktiń, birliktiń jáne dostyqtyń simvoly.
Erbol Myrzabosynov Memleket basshysy Qasym-Jomart Toqaevtyń bastamasymen elimizde sport infraqurylymy jyl saiyn keńeiip kele jatqanyn atap ótti. Jańa sport nysandary aimaqtarda ashylyp, qazaqstandyq sportshylar halyqaralyq arenalarda tabysty óner kórsetýde.
Biyl dene shynyqtyrý jáne sport salasyn damytýǵa qatysty zańnamaǵa da eleýli ózgerister engizildi. Olar sportshylardyń álemdik deńgeidegi básekege qabilettiligin arttyrýǵa, parasportty qoldaýǵa, biýdjetti ońtailandyrýǵa jáne qarajatty ulttyq, balalar men buqaralyq sportty damytýǵa baǵyttalǵan.
Ministr jyl basynan beri Qazaqstanda kóptegen halyqaralyq jarystar ótkenin, olardyń uiymdastyrylýy elimizdiń sporttyq infraqurylymynyń zamanaýi talaptarǵa sai ekenin dáleldeitinin aitty. Sonymen birge biyl ǵana elimizge jiyrmaǵa jýyq halyqaralyq sport uiymynyń ókilderi kelgenin, olardyń jartysyn Memleket basshysy qabyldaǵanyn jetkizdi. Bul Qazaqstannyń sport salasyndaǵy bedeliniń artyp kele jatqanyn kórsetedi.
«Barshańyzdy osy merekemen quttyqtai otyryp, myqty densaýlyq, kóterińki kóńil-kúi jáne jańa jetistikter tileimin. Sportpen ainalysyp, belsendi ómir saltyn ustanyńyzdar!» – dedi Erbol Myrzabosynov.
