فوتو: ٷكٸمەت
2024 جىلى تۋريزم سالاسىندا ايتارلىقتاي ٶسٸم بايقالدى. ٸشكٸ تۋريستەر سانى 10,5 ميلليون ادامعا جەتٸپ, 2023 جىلمەن سالىستىرعاندا 900 مىڭ ادامعا ارتقان. بۇل دەرەكتەر پرەمەر-مينيستر ولجاس بەكتەنوۆتٸڭ تٶراعالىعىمەن ٶتكەن ٷكٸمەت وتىرىسىندا ۇسىنىلدى. جيىن بارىسىندا مەملەكەت باسشىسىنىڭ تۋريزم سالاسىن دامىتۋعا قاتىستى تاپسىرمالارىنىڭ ورىندالۋ بارىسى قارالدى, دەپ حابارلايدى Ult.kz.
تۋريستٸك ينفراقۇرىلىمدى دامىتۋ
تۋريزم جەنە سپورت مينيسترلٸگٸ وبلىس ەكٸمدٸكتەرٸنە ەلدٸ مەكەندەردەن تىس جەرلەردە, ونىڭ ٸشٸندە ۇلتتىق پاركتەر اۋماعىندا تۋريستٸك ينفراقۇرىلىم سالۋ ٶكٸلەتتٸگٸن بەرۋدٸ ۇسىندى. قازٸرگٸ تاڭدا قاجەتتٸ زاڭنامالىق تٷزەتۋلەر پارلامەنتتە قارالۋدا. مينيستر ەربول مىرزابوسىنوۆتىڭ ايتۋىنشا, بۇل باستاما باستى تۋريستٸك دەستيناتسييالاردىڭ ينفراقۇرىلىمىن جاقسارتۋعا مٷمكٸندٸك بەرەدٸ. سونىمەن قاتار, جەكە تۋريزم باسقارمالارىن قۇرۋ مەسەلەسٸ دە كٶتەرٸلدٸ. قازٸرگٸ ۋاقىتتا تەك بەس ٶڭٸردە جەكە باسقارما جۇمىس ٸستەيدٸ.
قوناقٷيلەردٸ جٸكتەۋ جٷيەسٸنە رەفورما
تۋريزم قىزمەتتەرٸنٸڭ ساپاسىن ارتتىرۋ ماقساتىندا قوناقٷيلەردٸ جٸكتەۋ جٷيەسٸن جاڭارتۋ كٶزدەلۋدە. مينيستردٸڭ ايتۋىنشا, قازٸرگٸ قولدانىلىپ جٷرگەن كريتەرييلەر 2008 جىلدان بەرٸ ٶزگەرٸسسٸز قالدى جەنە حالىقارالىق ستاندارتتارعا ساي ەمەس. بۇل رەفورمالار قوناقٷي بيزنەسٸنٸڭ ەلەمدٸك ٷردٸستەرٸنە بەيٸمدەلۋٸنە ىقپال ەتەدٸ.
شەكارالاردا "جاسىل دەلٸز" رەجيمٸ
ۇيىمداسقان تۋريستٸك توپتاردىڭ ساپارىن جەڭٸلدەتۋ ٷشٸن شەكارالىق ٶتكٸزۋ پۋنكتتەرٸندە "جاسىل دەلٸز" مەحانيزمٸن ەنگٸزۋ ۇسىنىلدى. بۇل رەجيم قازٸرگٸ ۋاقىتتا رەسەي مەن قىرعىزستان شەكاراسىندا پيلوتتىق تٷردە ٸسكە قوسىلدى. مينيسترلٸكتٸڭ مەلٸمەتٸنشە, بۇل جاڭاشىلدىق تۋريستەرگە كەدەرگٸسٸز ساپار جاساۋعا مٷمكٸندٸك بەرەدٸ.
شەتەلدٸك تۋريستەردٸ ەسەپكە الۋ جٷيەسٸن جەتٸلدٸرۋ
شەتەلدٸك تۋريستەردٸ ەسەپكە الۋ جەنە ولاردىڭ شىعىندارىن تالداۋ ماقساتىندا ۇلتتىق ستاتيستيكا بيۋروسىنا ۇيالى بايلانىس وپەراتورلارىنىڭ دەرەكتەرٸنە قول جەتكٸزۋ ۇسىنىلدى. سونىمەن قاتار, تۋريستەردٸڭ ەكونوميكالىق سالىمىن باعالاۋ ٷشٸن ولاردىڭ بانكتٸك كارتا وپەراتسييالارى تۋرالى مەلٸمەتتەر قاجەت ەكەنٸ ايتىلدى.
Neo Nomad Visa جەنە Tax Free جٷيەسٸن جەتٸلدٸرۋ
Neo Nomad Visa ۆيزاسىن الۋ رەسٸمٸن جەڭٸلدەتۋ ماقساتىندا ونى ەلەكتروندى فورماتتا رەسٸمدەۋ ەنگٸزٸلمەك. بۇل ۆيزا شەتەلدٸك تۋريستەرگە قازاقستاندا بٸر جىل بويى ەركٸن تۇرۋعا مٷمكٸندٸك بەرەدٸ. سونىمەن قاتار, Tax Free جٷيەسٸ ارقىلى شوپينگ تۋريزمٸن دامىتۋ كٶزدەلۋدە. بۇل جٷيە 2019 جىلى پيلوتتىق رەجيمدە ەنگٸزٸلٸپ, تيٸمدٸلٸگٸن كٶرسەتتٸ. ەندٸ ونى تۇراقتى رەجيمگە اۋىستىرۋ جوسپارلانۋدا.
E-گايدس پلاتفورماسى
گيدتەردٸڭ قىزمەتٸن رەتتەۋ جەنە ساپاسىن باقىلاۋ ماقساتىندا "E-گايدس" بٸرىڭعاي تسيفرلىق پلاتفورماسى ەزٸرلەندٸ. بۇل جٷيە تۋريستەرگە گيدتەردٸ تابۋعا, بايلانىسقا شىعۋعا جەنە ولاردىڭ بٸلٸكتٸلٸگٸن تەكسەرۋگە مٷمكٸندٸك بەرەدٸ. قازٸرگٸ ۋاقىتتا پلاتفورمادا 380 گيد تٸركەلگەن, ونىڭ 94-ٸ ارنايى بەيدجدەر العان.
