جازعى تۋريستٸك ماۋسىمنىڭ باستالۋىنا بايلانىستى الاكٶل جاعالاۋىندا تۋريستٸك پوليتسييانىڭ جۇمىسى كٷشەيتٸلدٸ. قوعامدىق تەرتٸپتٸ قامتاماسىز ەتۋ جەنە دەمالۋشىلاردىڭ قاۋٸپسٸزدٸگٸن ساقتاۋ ماقساتىندا تەرتٸپ ساقشىلارى كٷن سايىن كٷشەيتٸلگەن رەجيمدە قىزمەت اتقارۋدا, دەپ حابارلايدى ult.kz.
Polisia.kz جازۋىنشا, پوليتسييا قىزمەتكەرلەرٸ رەيدتٸك ٸس-شارالار بارىسىندا دەمالۋشىلارعا سۋداعى جەنە قوعامدىق ورىندارداعى قاۋٸپسٸزدٸك ەرەجەلەرٸ جازىلعان جادىنامالاردى تاراتىپ, تٷسٸندٸرۋ جۇمىستارىن جٷرگٸزۋدە. سونىمەن قاتار ازاماتتارعا قۇقىقتىق كەڭەس بەرٸلٸپ, قاجەتتٸ جاعدايدا جەدەل كٶمەك كٶرسەتٸلەدٸ.
شەتەلدٸك تۋريستەرمەن جۇمىسقا دا ەرەكشە نازار اۋدارىلعان. ونلاين-اۋدارماشىنىڭ كٶمەگٸمەن پوليتسييا قىزمەتكەرلەرٸ اعىلشىن تٸلٸندە ەركٸن بايلانىس ورناتىپ, قاجەتتٸ اقپارات ۇسىنىپ, ولاردىڭ سۇراقتارىنا جاۋاپ بەرەدٸ.
شەتەلدەن كەلگەن دەمالۋشىلاردىڭ بٸرٸ قازاقستاندا ٶزٸن قاۋٸپسٸز سەزٸنەتٸنٸن ايتىپ, تۋريستٸك پوليتسييانىڭ جۇمىسىنا جوعارى باعا بەردٸ.
– مۇندا دەمالۋ ٶتە جايلى. پوليتسييا قىزمەتكەرلەرٸ ەردايىم كٶمەكتەسۋگە دايىن, قاۋٸپسٸزدٸگٸمٸزدٸ قامتاماسىز ەتٸپ جٷر. ٶزٸمٸزدٸ سەنٸمدٸ سەزٸنەمٸز, – دەدٸ شەتەلدٸك تۋريست.
تۋريستٸك پوليتسييا قىزمەتكەرلەرٸ جازعى ماۋسىم بويى الاكٶلگە كەلگەن قوناقتاردىڭ قاۋٸپسٸز ەرٸ جايلى دەمالۋىنا جاعداي جاساۋ باعىتىنداعى جۇمىستارىن جالعاستىرادى.
