Jazǵy týristik maýsymnyń bastalýyna bailanysty Alakól jaǵalaýynda týristik politsiianyń jumysy kúsheitildi. Qoǵamdyq tártipti qamtamasyz etý jáne demalýshylardyń qaýipsizdigin saqtaý maqsatynda tártip saqshylary kún saiyn kúsheitilgen rejimde qyzmet atqarýda, dep habarlaidy ult.kz.
Polisia.kz jazýynsha, politsiia qyzmetkerleri reidtik is-sharalar barysynda demalýshylarǵa sýdaǵy jáne qoǵamdyq oryndardaǵy qaýipsizdik erejeleri jazylǵan jadynamalardy taratyp, túsindirý jumystaryn júrgizýde. Sonymen qatar azamattarǵa quqyqtyq keńes berilip, qajetti jaǵdaida jedel kómek kórsetiledi.
Sheteldik týristermen jumysqa da erekshe nazar aýdarylǵan. Onlain-aýdarmashynyń kómegimen politsiia qyzmetkerleri aǵylshyn tilinde erkin bailanys ornatyp, qajetti aqparat usynyp, olardyń suraqtaryna jaýap beredi.
Shetelden kelgen demalýshylardyń biri Qazaqstanda ózin qaýipsiz sezinetinin aityp, týristik politsiianyń jumysyna joǵary baǵa berdi.
– Munda demalý óte jaily. Politsiia qyzmetkerleri árdaiym kómektesýge daiyn, qaýipsizdigimizdi qamtamasyz etip júr. Ózimizdi senimdi sezinemiz, – dedi sheteldik týrist.
Týristik politsiia qyzmetkerleri jazǵy maýsym boiy Alakólge kelgen qonaqtardyń qaýipsiz ári jaily demalýyna jaǵdai jasaý baǵytyndaǵy jumystaryn jalǵastyrady.
