تٷنگٸ ۋاقىتتا قاتتى شۋ شىعارىپ, تۇرعىنداردىڭ تىنىشتىعىن بۇزاتىن اۆتوموبيلدەر مەن موتوتسيكلدەر مەسەلەسٸ ٷكٸمەت وتىرىسىندا كٶتەرٸلدٸ, دەپ حابارلايدى ult.kz.
جول قاۋٸپسٸزدٸگٸ مەسەلەسٸ قارالعان جيىندا پرەمەر-مينيستر ولجاس بەكتەنوۆ ٸشكٸ ٸستەر مينيسترٸ ەرجان سەدەنوۆتەن قاتتى شۋ شىعاراتىن كٶلٸك جٷرگٸزۋشٸلەرٸنە قاتىستى قانداي شارالار قابىلدانىپ جاتقانىن سۇرادى.
«قاتتى شۋىلدايتىن موتو جەنە اۆتوكٶلٸك مەسەلەسٸن بٸرنەشە رەت تالقىلادىق. ولارعا ٶتە قاتاڭ شارالار قابىلداۋ قاجەت. ەيتپەسە تٷننٸڭ ورتاسىندا ادامداردىڭ مازاسىن الىپ, ۇيقى بەرمەي جاتىر», – دەدٸ ولجاس بەكتەنوۆ.
ٸشكٸ ٸستەر مينيسترٸنٸڭ ايتۋىنشا, پوليتسييا مۇنداي قۇقىق بۇزۋشىلىقتاردى تەۋلٸك بويى انىقتاپ جاتىر. بۇل جۇمىستا بەينەباقىلاۋ كامەرالارى مەن باسقا دا تسيفرلىق تەحنولوگييالار قولدانىلادى. سونىمەن قاتار تۇرعىندار مۇنداي جاعدايلار تۋرالى 102 نٶمٸرٸنە حابارلايدى.
جىل باسىنان بەرٸ 782 دەرەك تٸركەلگەن. بارلىق قۇقىق بۇزۋشى ەكٸمشٸلٸك جاۋاپكەرشٸلٸككە تارتىلعان. ونىڭ ٸشٸندە 55 ادام ەكٸمشٸلٸك قاماۋعا الىنعان.
قۇقىق بۇزۋشىلىققا قاتىسى بار اۆتوكٶلٸكتەر مەن موتوتسيكلدەر ايىپپۇل تۇراعىنا جەتكٸزٸلەدٸ.
ەرجان سەدەنوۆ بۇل باعىتتاعى جۇمىستاردى ودان ەرٸ كٷشەيتۋ جوسپارلانىپ وتىرعانىن ايتتى.
پرەمەر-مينيستر تيٸستٸ جۇمىستاردى كٷشەيتۋدٸ تاپسىردى.
